Аугаа Их Эх орны дайны ялалтын 81 жилийн ой, Халх голын ялалтын 87 жилийн ойг угтан “Монгол-Орос” найрамдлын нийгэмлэгийн Орхон аймаг дахь салбар, “Эрдэнэт цогцолбор” Их сургуулийн Орос хэлний төв хамтран цэрэг, эх орны сэдэвт орос, монгол дууны өдөрлөг зохион байгууллаа.
Орхон аймгийн Ерөнхий боловсролын сургууль, “Эрдэнэт цогцолбор” Их сургуулийн багш оюутнуудын дунд зохион байгуулсан энэхүү “Open mic” өдөрлөгт 11 сургуулийн 150 гаруй оюутан сурагч, багш оролцож, гоцлол дуу, хамтлаг төрлөөр 33 урлагийн үзүүлбэр толилуулж, өрсөлдлөө.
Хүүхэд залууст түүхэн ялалтын үнэ цэнийг ойлгулах, урлагийн гоо зүй, мэдрэмж, багийн ажиллагааны мэдлэг, ур чадварыг хөгжүүлэхэд өндөр ач холбогдолтой тус уралдааны шилдэг оролцогчоор Орхон аймгийн 1 дүгээр сургуулийн 8б ангийн сурагч Г.Хосбаяр, 8в ангийн сурагч Б.Урангоо, 4 дүгээр сургуулийн 7а ангийн сурагч М.Өнөмөнх, М.Энхзориг, Э.Эрмүүн нар тодорч, “Шилдэг хамтлаг”-ийн шагналыг дээрх сургуулиудын хөгжмийн болон охидын хамтлаг гардсан байна.
Оюутан шилдгүүдээр “Эрдэнэт цогцолбор” Их сургуулийн Цахилгаан системийн автоматжуулалтын 1-р курсийн оюутан А.Ганхүү, Гадаад хэлний орчуулагчийн 1-р курсийн ангийн оюутан Б.Отгондявар, Нягтлан бодох бүртгэлийн 2-р курсийн оюутан Б.Маралжин, Гадаад хэлний орчуулагчийн 2-р курсийн оюутан Т.Анударь нар тодорлоо.
Жил бүрийн 5 сарын 9-нд тэмдэглэдэг Ялалтын баярыг угтаж, “Монгол-Орос” найрамдлын нийгэмлэгийн Орхон аймаг дахь салбараас олон хэлбэрийн ажил зохион байгуулахаар төлөвлөжээ. Ирэх сарын 7-9-ний өдрүүдэд “Ялалтад оруулсан хувь нэмэр” сэдэвт гэрэл зургийн болон маркийн үзэсгэлэн, Монгол, Орос дайчдын хөшөөнд цэцэг өргөж, хүндэтгэл үзүүлэх зэрэг үйл ажиллагаа болох юм байна.
Нар минутад мандаж минутад жаргана.
Үс засуулвал: 
Суудал: 
