“Эрдэнэт үйлдвэр” ТӨҮГ-ыг 2031 он хүртэл хугацаанд хөгжүүлэх үндсэн чиглэлийн хүрээнд Засвар, механикийн заводыг үндэсний машин үйлдвэрлэлийн суурь болгон хөгжүүлэх, өргөтгөл шинэчлэлийн нарийвчилсан техник эдийн засгийн үндэслэл, баримт бичгийг 2022 онд баталсан. Энэ хүрээнд Цутгуурын цехийн өргөтгөл үндсэндээ дууссан бол Механик цехийн өргөтгөлийн ажил эхлээд байна. Тус өргөтгөл хоёр үндсэн хэсэгтэй хийгдэж байгаа бөгөөд нэг хэсэг нь том оврын эд анги, металл хийц, стандартын бус тоног төхөөрөмжийн үйлдвэрлэлийг нэмэгдүүлэхэд чиглэж байна.Тодруулбал, төрөл бүрийн экскаваторын шанага, конусан бутлуурын эд анги зэрэг бүтээгдэхүүн үйлдвэрлэлийг өргөжүүлэх юм.
Хоёрдугаар хэсгийн өргөтгөл резинэн эдлэлийн үйлдвэрлэлийг өргөтгөж, импорт орлох бүтээгдэхүүний нэр төрлийг нэмэгдүүлэхэд чиглэнэ. Ингэснээр Баяжуулах үйлдвэр, Ил уурхай, Автотээврийн цех болон бүтцийн бусад нэгжүүдэд ашиглаж буй орчин үеийн тоног төхөөрөмжийн сэлбэг, эд ангийг дотооддоо үйлдвэрлэх боломж бүрдэх юм.
Механик цехийн өргөтгөлийг 2027 оны төгсгөлд ашиглалтад оруулахаар төлөвлөжээ. Уг өргөтгөл ашиглалтад орсноор эхний ээлжинд 300 орчим тонн бүтээгдэхүүн үйлдвэрлэх боломжтой болж, металл хийц болон том овортой эд ангийн үйлдвэрлэлийн хэмжээ 1200 тоннд хүрч өсөх тооцоолол бий.
Нар минутад мандаж минутад жаргана.
Үс засуулвал: 
Суудал: 
