“Эрдэнэт үйлдвэр” ТӨҮГ-ын ХАБЭА-н хэлтсээс “Хөдөлмөрийн эрүүл мэнд, аюулгүй байдлын дотоод аудитын өдөрлөг” хэлэлцүүлгийг зохион байгуулж, ХЭМАБ-ын менежментийн тогтолцооны стандартын хэрэгжилт болон дотоод, хөндлөнгийн аудитын үр дүнгийн талаар санал солилцлоо.
Тус хэлэлцүүлгийг “Ажлын байранд нийгэм-сэтгэл зүйн эрүүл орчныг бүрдүүлцгээе” аян болон үйлдвэрийн газрын “Нэгдсэн менежментийн тогтолцооны бодлогын баримт бичиг”-ийн хэрэгжилтийг хангах хүрээнд зохион байгуулсан бөгөөд нээлтийн үеэр ХАБЭА-н хэлтсийн дарга Д.Мөнхболд хэлэлцүүлгийн зорилго, ач холбогдлыг танилцуулсан.
“Эрдэнэт үйлдвэр” ТӨҮГ нь 2021 оноос MNS ISO 45001:2018 стандартыг нэвтрүүлж, 2024 онд давтан баталгаажуулалт хийлгэсэн. Хэлэлцүүлгээр тус стандартын хэрэгжүүлэх явцад гарсан ололт амжилт, давуу тал, тулгамдаж буй асуудлууд болон тэдгээрийг шийдвэрлэх арга зам, нэгдсэн менежментийн тогтолцоонд уялдуулах асуудлыг авч хэлэлцэв. Мөн дотоод болон хөндлөнгийн аудитын явцад анхаарах асуудлууд, дотоод аудитор бэлтгэх чиглэлээр санал солилцсон үр дүнтэй хэлэлцүүлэг боллоо.
Хэлэлцүүлэгт Дотоод хяналт, мониторингийн хэлтсийн дарга Б.Энхжин “Нэгдсэн менежментийн тогтолцоонд MNS ISO 45001:2018 стандартын оролцоо” сэдвээр илтгэл тавьж, үйлдвэрийн газарт нэгдсэн менежментийн тогтолцоог хэрэгжүүлэх үндэслэл, ач холбогдол, хэрэгжилтийн өнөөгийн байдал, 2025 оны нэгдсэн дотоод аудитын үр дүнгийн тойм, цаашдын зорилтыг танилцууллаа. Тэрээр илтгэлдээ олон стандартыг тус тусад нь хэрэгжүүлэхээс илүү нэгдсэн менежментийн тогтолцоонд нэгтгэснээр үйлдвэрийн газрын удирдлага, үйл ажиллагааны уялдаа холбоо сайжирч, зардал, цаг хугацаа хэмнэхийн зэрэгцээ ажилтнуудын оролцоо нэмэгдэн, ойлгомжтой, цэгцтэй ажиллах нөхцөл бүрдэж буйг онцолж, хэлэлцүүлгийн явцад оролцогчдын сонирхсон асуултад нээлттэй хариулт өглөө.
Нэгдсэн менежментийн тогтолцоо болон MNS ISO 45001:2018 стандартын хэрэгжилттэй холбоотой асуудлуудын талаар илтгэгчид өөрсдийн илтгэлдээ тусган, тодорхой санал, дүгнэлт дэвшүүллээ. Стандартын дотоод болон хөндлөнгийн аудитын үр дүн, цаашид сайжруулах арга замын талаар ХАБЭАХ-ийн тэргүүлэх инженер Ц.Оргил, Сайжруулалтын мэргэжилтэн Э.Булган нар илтгэл танилцуулсан бол ХЭМАБ-ын менежментийн тогтолцооны MNS ISO 45001:2018 стандартын дотоод аудиторуудыг бэлтгэх модуль сургалтын агуулга, үйл явц болон шийдвэрлэх гарц, шийдлийн талаар “Эрдэнэт” цогцолбор их сургуулийн сургалтын мэргэжилтэн П.Мөнхтуяа илтгэл тавьж танилцууллаа.
Хэлэлцүүлэгт оролцогч бүтцийн нэгжүүдийн ерөнхий инженер, ХАБЭА-н инженер, ажилтнууд болон дотоод аудиторууд MNS ISO 45001:2018 стандартын хэрэгжилтийг сайжруулах асуудлаар асуулт асууж, санал солилцов. Хэлэлцүүлгээс гарсан санал, дүгнэлтийг 2026 оны ажлын төлөвлөгөөнд тусган хэрэгжүүлэхээр шийдвэрлэлээ.
Нар минутад мандаж минутад жаргана.
Үс засуулвал: 
Суудал: 
