Эрдэнэт үйлдвэр, жилд нэг удаа үйлдвэрлэлийн нөөцгүй тоног төхөөрөмждөө иж бүрэн засвар үйлчилгээг хийдэг. “Их зогсолт” хэмээн нэрлэдэг тус ажлыг энэ жил ирэх 6 сарын 26-28-ний өдрүүдэд хийхээр төлөвлөн, бэлтгэл ажлыг хангаж эхэлсэн.
Өнөөдрийн байдлаар,”Их зогсолт”-ын бэлтгэл хангах ажлын хэсэг нийт зургаан удаа хуралдаж, ажлын төлөвлөгөөг үе шаттай хэрэгжүүлэн, шаардлагатай асуудлыг цаг тухайд нь шийдвэрлэн ажиллаж байна. Энэ удаагийн “Их зогсолт”-ын үеэр нийт 555 багц засварын ажлыг Баяжуулах үйлдвэр, Цахилгаан цех, Ус хангамжийн цех, Холбоо мэдээллийн технологи, автоматжуулалтын цехүүдэд төлөвлөгөөний дагуу хийх бөгөөд эдгээрийг Барилга засварын цех, Засвар угсралтын цех зэрэг бүтцийн нэгжүүд хамтран гүйцэтгэнэ. Мөн дээрх засвар үйлчилгээний ажлын хүрээнд шаардлагатай бараа, сэлбэг хэрэгслийн ханган нийлүүлэлтийг 33 тендерт багцлан худалдан авалтыг холбогдох хууль журмын хүрээнд зохион байгуулж, одоогоор 17 тендер нь гэрээ байгуулсан байна. Хамгийн гол анхаарах асуудал нь “Их зогсолт”-д ашиглагддаг төрөл бүрийн хаалт, хавхалга, төрөл бүрийн металл-прокатууд зэрэг чухал сэлбэг хэрэгслүүдийн тендерүүд хүлээгдэж буйг шуурхай зохион байгуулан явуулах шаардлагатай байгааг Механикийн хэлтсийн дарга, Ерөнхий механикч, Ажлын хэсгийн дэд ахлагч Б.Чинзориг онцоллоо.
Түүнчлэн бэлтгэл хангах ажлын хэсгийн зургаадугаар хуралдаанаас холбогдох бүтцийн нэгжийн болон цехийн удирдлагууд “Их зогсолт”-д шаардлагатай сэлбэг хэрэгсэл, бараа материалын тендерийн явц, гүйцэтгэлд онцгой анхаарч, худалдан авалтад шаардлагатай шат дараалсан бүхий л арга хэмжээг хугацаа алдалгүй шуурхай зохион байгуулан ажиллах, энэ үеэр хийгдэх хэмжих, хянах, тохируулга, баталгаажуулалт хийлгэх хэрэгслийн захиалгын жагсаалт, ажил эхлэхийн өмнөх лабораторийн хэмжилт, ажлын байран дахь урьдчилсан хэмжилт, шалгалт хийх захиалгын жагсаалт зэргийг ХАБЭА-н хэлтсийн ЧХХ-ийн Хэмжил зүйн товчоог нэгтгэн, ажлын хэсгийн дараагийн хуралд танилцуулах талаар шийдвэрлэсэн байна.
Нар минутад мандаж минутад жаргана.
Үс засуулвал: 
Суудал: 
