Эрдэнэт үйлдвэрийн удирдлагуудын даваа гаригийн ээлжит шуурхай зөвлөгөөн хуралдлаа. Үйлдвэрлэл, техникийн хэлтсээс 4 дүгээр сарын эхний 19 хоногийн үйлдвэрлэлийн төлөвлөгөөний биелэлт болон шинэ долоо хоногийн төлөвлөгөөг танилцууллаа.
Сарын эхний 19 хоногийн байдлаар, уурхайчид 2007.1 мянган метр куб уулын цул гаргаж, төлөвлөгөөг 111.2 хувь, 1056.5 мянган метр куб хөрс хуулалтын ажил гүйцэтгэж, төлөвлөгөөг 112.3 хувиар биелүүлсэн байна. Баяжуулах үйлдвэрт 2286.7 мянган тонн хүдэр өгч, төлөвлөгөөг 103.8 хувиар биелүүлжээ. Үүнээс Нунтаглан баяжуулах хэсэгт 1146.9 мянган тонн, Өөрөө нунтаглах хэсэгт 1139.8 мянган тонн хүдэр тус тус өгч, төлөвлөгөөг 101-106 хувиар биелүүлэв. Хүдэр боловсруулалт 2243 мянган тонн буюу төлөвлөгөөт үзүүлэлт 101.6 хувийн биелэлттэй байна.
Хүдэр дэх металлын агуулга буюу зэсийн агуулгын төлөвлөгөө 101.9 хувь, молибденийн агуулга 104.6 хувиар биелсэн бол зэсийн металл авалт 100 хувь, молидбенийн металл авалт 114.1 хувь, зэсийн баяжмал гаргалтын төлөвлөгөө 103.8 хувиар тус тус биелж байна. Энэ хугацаанд 7187.7 тонн зэсийн баяжмал ачуулж, 108.4 хувиар биелүүлжээ. Шинэ долоо хоногт Эрдэнэт үйлдвэрийн уурхайчид 712 мянган метр куб уулын цул гаргаж, 349 мянган метр куб хөрс хуулалтын ажил гүйцэтгэхийн зэрэгцээ Баяжуулах үйлдвэрт 844 мянган тонн хүдэр өгч, 843.7 мянган тонн хүдэр боловсруулахаар төлөвлөн ажиллаж байна.
Үйлдвэрлэл тасралтгүй найдвартай үргэлжлэх, техник тоног төхөөрөмжийн бүрэн бүтэн аюулгүй ажиллахад чухал үүрэгтэй хавар, зуны бэлтгэл хангах төлөвлөгөө үйлдвэрийн 26 бүтцийн нэгжид хэрэгжиж байна. Энэ жил хавар зуны бэлтгэл ажлын хүрээнд нийт 277 ажил төлөвлөснөөс өнөөдрийн байдлаар, үйлдвэрийн хэмжээнд хэрэгжилт 31 хувьтай байна. Эдгээрээс 20 ажил 100 хувийн гүйцэтгэлтэй байгаа аж.
Геологи хайгуулын экспедиц, Эрдэнэтийн–Овооны Оюутын ордын хайгуулын ажлын тайланг Эрдэс баялгийн мэргэжлийн зөвлөлөөр батлуулахаар ажиллаж буйг дарга М.Дамдинсүрэн мэдээлэлдээ онцлов. Мөн Геологи хайгуулын экспедицийнхэн Ногоон хөгжлийн төвийн Мод үржүүлгийн ажлын хэрэгцээнд Шар талын долоон худаг өрөмдөж гаргахаар ажиллаж байна. Өнгөрсөн жилд дөрвөн худаг өрөмдсөн бол 5 дугаар сард багтаан нэмж гурван худгийн өрөмдлөг хийж, дуусгахаар төлөвлөжээ.
Эрдэнэт үйлдвэрийн нийт ажилтнуудын дунд 3 дугаар сарын 20-ноос эхэлсэн “Нэг ажилтан-Нэг ном” аяны хүрээнд 3749 ном хандивласан байна. Хандивт цугласан номуудыг гардуулах үйл ажиллагааг энэ сарын 22-д зохион байгуулна.
Нар минутад мандаж минутад жаргана.
Үс засуулвал: 
Суудал: 
