Монгол Улсад орчин цагийн барилгын салбар үүсэж хөгжсөний 100 жилийн ойг тэмдэглэн өнгөрүүлэх хүрээнд “Эрдэнэт үйлдвэр” ТӨҮГ-ын Барилга засварын цехийн хамт олон, спортын долоо төрлийн тэмцээн уралдаан зохион байгуулж байна. Ажилтнуудын эрүүл мэнд, хөдөлгөөнийг дэмжих, нийтийн биеийн тамир, чийрэгжүүлэлт болон шинээр хөгжиж буй спортын төрлийг таниулах, хичээллэх, сэтгэн бодох чадварыг дээшлүүлэх, чөлөөт цагийн үр бүтээлтэй, зөв боловсон өнгөрүүлэх зорилгоор цехийн хамт олны дунд сагс, волейбол, дартс, зуун буудалт даам, явган алхалт, буухиа болон корнхолл, пиклболл зэрэг төрлөөр тэмцээн уралдаан зохиох юм.
Спортын тэмцээн өнгөрөгч амралтын өдрүүдэд волейбол болон зуун буудалт даамын төрлөөр Спорт ордонд эхэлсэн. Барилга засварын цехийн 200 гаруй ажилтнууд, ахмадын төлөөллөөс бүрдсэн нийт 9 баг дээрх тэмцээнд өрсөлдөж байна.
Барилгын салбар үүсэж хөгжсөний 100 жилийн ойд зориулан зохиож буй тус тэмцээний үйл ажиллагааг Барилга засварын цехийн Ерөнхий инженер Ж.Батсуурь нээж, хамт олондоо спортын өндөр амжилт хүсэв.
Гар бөмбөгийн тэмцээн өрсөлдөөн дүүрэн болж, эрэгтэй ангилалд Барилга хийц, бүтээцийн хэсгийн дарга П.Эрдэнэмягмар ахлагчтай “Аватар” баг тэргүүн байранд шалгарч, Үйлдвэр техникийн товчооны дарга Я.Оргил ахлагчтай “Winners” баг хоёрдугаар байр, Бүтээгдэхүүн үйлдвэрлэлийн хэсгийн дарга Б.Болорсүх ахлагчтай “Diamond” баг гуравдугаар байр эзэллээ. Эмэгтэйчүүдээс эхний байрыг Засвар, засал чимэглэлийн хэсгийн дарга Б.Эрдэнэсайхан ахлагчтай “Ace Hunters” багийн тамирчид эзэлсэн бол удаах байруудад “Аватар” болон Ахмадын багийнхан шалгарсан байна. Зуун буудалт даамны тэмцээний аваргаар “Морьтон” багийн тамирчин М.Сайнбаяр тодорч, дэд болон гутгаар байрыг “Winners” багийн тамирчин Ж.Батсуурь, “Өөхөн чулуу” багийн тамирчин М.Ганболд нар эзэллээ.
Барилга засварын цехийнхний спортын аварга баг шалгаруулах тэмцээн ирэх 5 сарын 2-нд сагсан бөмбөг, дартсын төрлөөр үргэлжилнэ.
Нар минутад мандаж минутад жаргана.
Үс засуулвал: 
Суудал: 
