Монголын үйлдвэрлэлийн геологичдын холбооноос жил бүр уламжлал болгон зохион байгуулдаг “Монголын геологи, хайгуул” чуулга уулзалт энэ сарын 26, 27-ны өдрүүдэд Улаанбаатар хотод болж байна. Төр засгийн удирдлагууд, салбарын шилдэг мэргэжилтнүүд нэгэн дор чуулж, хайгуул, ашиглалтын дэвшилтэт чиг хандлагыг тодорхойлж, үнэ цэнтэй туршлага, мэдээлэл солилцдог энэхүү чуулганд Эрдэнэтийн-Овоо, Оюут ордод 2023-2025 онд гүйцэтгэсэн нарийвчилсан хайгуулын ажлын үр дүнгээс нийт долоон илтгэл хэлэлцүүлж байна.
Тухайлбал, Хойд монголын Эрдэнэтийн хүдрийн дүүргийн шилжилтийн бүс ба Оюутын порфир зэсийн ордын структурын системчилсэн судалгаа, Эрдэнэтийн-Овооны Оюут зэсийн ордын нарийвчилсан хайгуулын үр дүн, Оюут ордын жишээн дээр Порфирын Cu-Mo хүдэржилт калийн хувирлаас илүүтэй серицитжих хувиралтай холбоотой үүссэн шалтгаан, Исэлдсэн магма ба порфирын ордын үүсэл, Оюут зэсийн ордын холимог хүдрийн технологийн минералогийн онцлог, Оюут зэсийн ордын холимог хүдрийн технологийн минералогийн онцлог, Эрдэнэтийн-Овоо дүүргийн Оюут ордын хүдэржилтийн үе шат ба хувьсал зэрэг илтгэл тавигдана.
“Эрдэнэт үйлдвэр” ТӨҮГ-ын Хөгжлийн хэлтсийн Ерөнхий геологич, доктор (Ph.D) Д.Алтанхуяг, Судалгаа, шинжилгээний хүрээлэнгийн Эрдэс судлаач инженер С.Цэсэн нар Оюутын ордоор үндсэн илтгэл толилуулах бол Эрдэнэт үйлдвэртэй хамтран ажилласан гаднын таван судлаач Оюутын ордын жишээн дээр илтгэл тавих юм.
Мөн “Монголын геологи, хайгуул” чуулга уулзалтын хүрээнд энэ сарын 29-ний өдөр Структур геологийн онол практик хосолсон экскурс Эрдэнэтийн хүдрийн дүүрэг, Оюут ордод онцлох сургалт хийхээр төлөвлөжээ.
Нар минутад мандаж минутад жаргана.
Үс засуулвал: 
Суудал: 
