“Эрдэнэт үйлдвэр” ТӨҮГ-ын Хэвлэл мэдээлэл, олон нийттэй харилцах алба, “Эрдэнэт” телевизээс “Олон улсын Эмэгтэйчүүдийн эрхийг хамгаалах өдөр”-ийг тохиолдуулан “Ижийдээ захидал бичээрэй” уралдааныг 14 дэх жилдээ амжилттай зохион байгуулж, өчигдөр шилдэг захидлын эздэд шагнал гардууллаа.
Хүй орчлонгийн эх ундарга болсон ижий нарыг магтан дуулж, сэтгэлийн нандин үгсээ захидлаар дамжуулан илгээх боломж олгодог энэхүү уралдааныг өнгөрсөн жилээс Эрдэнэт үйлдвэрийн Эмэгтэйчүүдийн холбооны дэмжлэгтэйгээр зохион байгуулж байгаа юм.
“Ижийдээ захидал бичээрэй” уралдаанд энэ удаа 80 гаруй захидал ирсэн бөгөөд Соёл, урлагийн цогцолборын Музейн эрхлэгч Х.Өлзийхишиг тэргүүн байрт шалгарч, ижийтэйгээ хамт шагналаа гардлаа. Харин Хүний нөөц, захиргааны хэлтсийн Эрдэм шинжилгээний ажилтан Л.Эрдэнэбат дэд байр, Чанарын хяналтын хэлтсийн Химийн төв лабораторийн лаборант Я.Оюундарь гутгаар байр эзлэв.
Шилдэг захидлуудыг Хэвлэл мэдээлэл, олон нийттэй харилцах албаны дарга, редактор, сэтгүүлч нар уншин амилуулж, үзэгчдийн сэтгэлийг хөглөсөн юм. Шагнал гардуулах ёслолд Нийгмийн харилцааны хэлстийн дарга Д.Өнөбат, Хүний нөөц, захиргааны хэлтсийн Хүний нөөцийн албаны дарга Б.Одгарьд нар, Үйлдвэрийн газрын бүтцийн нэгжүүдийн Эмэгтэйчүүдийн зөвлөлийн дарга нар урилгаар оролцсон. Мөн МУСТА С.Ариун-Эрдэнэ, А.Дэлгэрмагнай нар ая дуугаа өргөж хүрэлцэн ирсэн зочдын сонорыг мялаалаа.
Нар минутад мандаж минутад жаргана.
Үс засуулвал: 
Суудал: 
