“Эрдэнэт үйлдвэр” ТӨҮГ-ын Хамтын ажиллагаа, нийгмийн харилцааны бодлогын газрын дарга Ц.Бат-Энх, холбогдох хэлтсийн удирдлага, мэргэжилтнүүдийн хамт нийгмийн чиглэлийн бүтцийн нэгжүүдийн ажилтнуудтай уулзалт хийж байна.
Уулзалтын үеэр үйл ажиллагааны ололт амжилт, тулгамдаж буй асуудал, цаашид шийдвэрлэх шаардлагатай асуудлуудын талаар нээлттэй ярилцаж, газар дээр нь тодорхой чиглэл, зөвлөмж өгч ажиллаж байгаа юм.
Өчигдөр үдээс өмнө Соёл, урлагийн цогцолбор болон Спорт цогцолборын ажилтнуудтай уулзах үеэр хамт олны эв нэгдлийг бэхжүүлэх, хэрэглэгчдэд чиглэсэн чанартай үйлчилгээний соёлыг төлөвшүүлэх, харилцаа хандлагыг сайжруулах, ажлын цагийн зохистой ашиглалт, дотоод зохион байгуулалтыг боловсронгуй болгох, санаачилгатай ажиллах талаар санал бодлоо илэрхийлэв.
Тэрээр Эрдэнэт үйлдвэрийн түүх, их спортын хөгжилтэй салшгүй холбоотойг онцлон, орчин цагийн шаардлагад нийцүүлэн үйл ажиллагаагаа шинэ шатанд гаргахын төлөө идэвх санаачилгатай ажиллахыг үүрэг болголоо.
Мөн Эрдэнэт хот байгуулагдсаны 50 жилийн ойн хүрээнд энэ онд Соёл, урлагийн цогцолбор болон Спорт цогцолборын ажлын ачаалал эрс нэмэгдэх тул сэтгэл зүй, зохион байгуулалтын хувьд бэлтгэл хангаж ажиллах шаардлагатайг онцлон анхааруулав.
Нар минутад мандаж минутад жаргана.
Үс засуулвал: 
Суудал: 
