Олон Улсын Эмэгтэйчүүдийн эрхийг хамгаалах өдөр, Монгол Улсад Орчин цагийн Зэвсэгт хүчин үүсэж, хөгжсөний 105, Эрдэнэт хотын 50 жилийн ойг тохиолдуулан Орхон аймгийн төрийн цэргийн болон хууль сахиулах байгууллагуудын эмэгтэй албан хаагчдын дунд 21 дэх жилдээ уламжлал болгон зохион байгуулагдаж буй “Мөрдөстэй бүсгүйчүүд-2026” тэмцээнд Гаалийн газрын хүүхнүүд тэргүүлэв.
Дотоодын цэргийн 816 дугаар ангиас зохион байгуулсан уг тэмцээнд тус анги, Орхон аймгийн Прокурорын газар, Цагдаагийн газар, Зэвсэгт хүчний 186 дугаар анги, Онцгой байдлын газар, Шүүхийн шийдвэр гүйцэтгэх 437 дугаар анги, Гаалийн газар, Автотээврийн газрын нийт найман баг оролцож, “Мэндчилгээ”, “Хамтлаг дуу”, “Намайг таа”, “Авхаалж самбаа сорих тэмцээн” зэрэг төрлөөр өрсөлдсөн юм.
Төрийн цэргийн болон хууль сахиулах байгууллагуудын эмэгтэй албан хаагчдын манлайлал, багаар ажиллах чадварыг дээшлүүлэх, хамтын ажиллагааг сайжруулах зорилгоор зохион байгуулагдсан “Мөрдөстэй бүсгүйчүүд-2026” тэмцээний дэд байрт Цэргийн гавьяаны улаан тугийн одонт Дотоодын цэргийн 816 дугаар ангийн эмэгтэйчүүд, Орхон аймгийн Цагдаагийн газрын бүсгүйчүүд шалгарч, шагналаа гардлаа. Шагналыг УИХ, Засгийн газрын гишүүн Д.Батлут, УИХ-ын гишүүн С.Эрдэнэбат, Монгол Улсын Ерөнхийлөгчийн Тамгын газрын Захиргаа, санхүүгийн газрын дарга Б.Батцэцэг нар гардуулсан юм.
Нар минутад мандаж минутад жаргана.
Үс засуулвал: 
Суудал: 
