Монголын Чөлөөт Бөхийн Холбооны Ерөнхийлөгчийн нэрэмжит “Шилдэг 8” анхдугаар тэмцээнд эрэгтэй, эмэгтэй тус бүр Олимпын зургаан жинд аваргын төлөө өрсөлдөж байна. Эхний өдөр барилдсан эрэгтэй, эмэгтэй тус бүр гурван жингийн аваргууд тодорч, медаль, аваргын цомоо гардлаа.
Эмэгтэй 50 кг-ийн жинд алтан медаль, “Алтан дагина” цомын эзнээр “Оргил” клубийн тамирчин М.Мөнхгэрэл шалгарч, “Алдар” клубийн тамирчин Б.Мөнхнар мөнгөн медаль, “Хантайшир” клубийн тамирчин Б.Сувд-Эрдэнэ хүрэл медаль хүртлээ.
Эмэгтэй 57 кг-ийн жинд алтан медаль, “Алтан дагина” цомын эзнээр “Аврагч” клубийн тамирчин Б.Хулан шалгарч, “Аврагч” клубийн тамирчин Х.Болортуяа мөнгөн медаль, “Төв-Арж” клубийн тамирчин Ү.Мөнхчимэг хүрэл медаль хүртсэн.
Эмэгтэй 68 кг-ийн жинд алтан медаль, “Алтан дагина” цомын эзнээр “Алдар” клубийн тамирчин Т.Энхжин шалгарч, “Дархан Хасу FOHOW” клубийн тамирчин Б.Ганцэцэг мөнгөн медаль, “Хилчин” клубийн тамирчин Э.Одзаяа хүрэл медаль энгэртээ зүүлээ.
Эрэгтэй 57 кг-ийн жинд алтан медаль, “Алтан дагина” цомын эзнээр “Хилчин” клубийн тамирчин З.Занабазар тодорч, “Алдар” клубийн тамирчин М.Даваабанди мөнгөн медаль, “Алдар” клубийн тамирчин З.Батмэнд, “Аварга” клубийн тамирчин С.Жигүүр нар тус тус хүрэл медаль хүртсэн юм.
Эрэгтэй 74 кг-ийн жинд алтан медаль, “Алтан дагина” цомын эзнээр “Хилчин” клубийн тамирчин З.Сумъяабазар шалгарч, “Дархан Хасу FOHOW” клубийн тамирчин Э.Төгсжаргал мөнгөн медаль, “Хүч” клубийн тамирчин, МУГТ Т.Тулга, “Тэх Мөнх” клубийн тамирчин М.Толуй нар тус тус хүрэл медалиар шагнуулсан.
Эрэгтэй 97 кг-ийн жинд алтан медаль, “Алтан дагина” цомын эзнээр “Хилчин” клубийн тамирчин Б.Бат-Эрдэнэ шалгарч, “Алдар” клубийн тамирчин Г.Ганхуяг мөнгөн медаль, “Алдар” клубийн тамирчин Т.Дэмчигдорж хүрэл медаль энгэртээ зүүсэн юм.
Монголын Чөлөөт Бөхийн Холбооны Ерөнхийлөгчийн нэрэмжит “Шилдэг 8” анхдугаар тэмцээн Орхон аймаг, Эрдэнэт хотноо “Эрдэнэт үйлдвэр” ТӨҮГ-ын Спорт цогцолборын “Хангарди” паласт зохион байгуулагдаж байгаа бөгөөд маргааш буюу 03 дугаар сарын 05-ны өдөр эрэгтэй, эмэгтэй гурван жинд тус бүр шилдэг найман тамирчин өрсөлдөж, аваргууд тодорно.
Нар минутад мандаж минутад жаргана.
Үс засуулвал: 
Суудал: 
