XVII жарны “Сүрээр дарагч” хэмээх Гал морин жилийн сар шинийн баярыг тохиолдуулан Дулааны цахилгаан станц улирч буй Модон могой жилд цехийн төлөвлөгөөт зорилтыг ханган биелүүлэхэд идэвх санаачилга гаргаж, өндөр үр бүтээлтэй ажилласан илч, гэрлийг түгээгчдээ “Хөдөлмөрийн аварга”-аар өргөмжлөх ёслол, хүндэтгэлийн үйл ажиллагаа боллоо.
Энэхүү үйл ажиллагааг нээж, Дулааны цахилгаан станцын дарга Г.Мөнх-Эрдэнэ “Бид өнгөрсөн онд хамт олноороо нэг сэтгэл, нэгдмэл зорилготой ажиллалаа. Хөдөлмөрийн аюулгүй байдлын зөрчилгүй ажиллахын зэрэгцээ үндсэн хоёр бүтээгдэхүүн болох цахилгаан, дулаан үйлдвэрлэлийн нэгж өртгийг бууруулан, 9 тэрбум төгрөг хэмнэсэн. Мөн цахилгаан эрчим хүчний нэгдсэн системд нийлүүлж буй нэгж үнийг нэмэгдүүлснээр нэмэлт орлоготой ажилласан зэрэг олон амжилтын эзэд болсон та бүхэндээ баяр хүргэе. Тэр дундаа ажил үйлсээрээ хамт олноо манлайлж, 50 жилийн ойн босгон дээр хийсэн бүтээснээ үнэлүүлж байгаа Хөдөлмөрийн аваргууддаа амжилт хүсье” гэсэн юм.
Дулааны цахилгаан станцын Модон могой жилийн "Хөдөлмөрийн аварга"-аар Түлш дамжуулах хэсгийн Тоног төхөөрөмжийн засварчин Б.Ариунболд тодорсон бол Хэсгийн хөдөлмөрийн аваргаар Түлш дамжуулах хэсгийн Конвейерийн машинч Б.Тунгалагтамир, Зуухны хэсгийн ашиглалтын мастер Ц.Баярхүү, Турбины хэсгийн турбины машинч Б.Лодойдамба, Цахилгаан техникийн хэсгийн Туршилт хэмжилтийн инженер Э.Энхтөр, Засвар механикийн хэсгийн Зуухны тоног төхөөрөмжийн машинч Д.Хүрэлбат, Хими, ус бэлтгэлийн хэсгийн Химийн шинжилгээний лаборант Ч.Даваабаяр, Дулааны шугам сүлжээний хэсгийн Цахилгаан ба хийн гагнуурчин Ш.Элбэгзаяа, Үйлдвэр техникийн товчооны ДШС-ний горим тохируулгын инженер С.Энхзул, Хүний нөөцийн мэргэжилтэн Э.Цагаанхүү нар тодорч, шагналаа гардлаа.
Нар минутад мандаж минутад жаргана.
Үс засуулвал: 
Суудал: 
