Хүний нөөц, захиргааны хэлтсийн харьяа албадын 2025 оны үйл ажиллагааны тайлангийн хурал өнөөдөр боллоо. Хурлаар хэлтсийн харьяа албадын өнгөрсөн оны үйл ажиллагааны тайланг хэлэлцэн, цаашдын зорилт, анхаарах асуудлыг тодорхойлов. Тайлангийн хурлын эхэнд Төрөлжсөн архивын 2025 оны үйл ажиллагааны тайланг тус архивын дарга Б.Одонтуяа танилцуулж, архивын баримт бичгийн хадгалалт, зохион байгуулалт, ажлын үр дүнгийн талаар дэлгэрэнгүй мэдээлэл өглөө. Мөн Дотоод зохион байгуулалт, албан хэрэг хөтлөлтийн албаны өнгөрсөн оны үйл ажиллагааны тайланг албаны дарга Б.Мөнхцэцэг танилцуулж, албан хэрэг хөтлөлтийн чанар, сахилга хариуцлагын хэрэгжилтийн талаар дүгнэн хэлэлцэв.
Энэ үеэр Архивын Мэдээллийн технологи хариуцсан ажилтан Э.Ганбаяр, Ахлах мэргэжилтэн А.Наранбаяр, Албан хэрэг хөтлөлтийн мэргэжилтэн Э.Цацрал нарыг Орхон аймгийн Засаг даргын “Жуух бичиг”-ээр, Бичиг хэргийн мэргэжилтэн Г.Энхгэрэлийг Гэр бүл, хөдөлмөр, нийгмийн хамгааллын яамны “Жуух бичиг”-ээр шагнасан юм. Түүнчлэн, хөдөлмөрийн салбарт олон жил үр бүтээлтэй ажиллаж, салбарын хөгжилд оруулсан хувь нэмрийг нь үнэлж, Монгол Улсын Засгийн газрын гишүүн, Гэр бүл, хөдөлмөр, нийгмийн хамгааллын сайдын тушаалаар Хүний нөөцийн мэргэжилтэн Б.Аззаяаг “Хөдөлмөрийн тэргүүний ажилтан” цол, тэмдгээр шагналаа.
Мөн Хүний нөөцийн албаны 2025 оны үйл ажиллагааны тайланг тус албаны дарга Б.Одгарьд танилцуулж, хүний нөөцийн бодлого, сургалт хөгжил, хөдөлмөрийн харилцааны чиглэлээр хэрэгжүүлсэн ажлуудын үр дүнг тайлагнав. Тайлан бүрийн дараа холбогдох албадын үйл ажиллагаанд хэлэлцүүлэг өрнүүлж, дүгнэлт, үнэлгээ өгч, цаашид анхаарах асуудал, сайжруулах санал зөвлөмжийг хэлэлцсэн нь хурлын үр өгөөжийг нэмэгдүүлсэн юм.
Хурлыг Хүний нөөц, захиргааны хэлтсийн дарга О.Отгонбаяр хааж, 2026 онд үйл ажиллагааны үр нөлөөг дээшлүүлэх, албад хоорондын уялдаа холбоог сайжруулах чиглэлд анхаарч ажиллахыг онцоллоо. Тэрээр “Эрдэнэт үйлдвэр” ТӨҮГ-ын Ерөнхий захирлын баталсан Хөдөлмөрийн дотоод журам, хүний нөөц, захиргааны хэлтсийн үйл ажиллагааны журам, ажилтан бүрийн хөдөлмөрийн гэрээ, ажлын байрны тодорхойлолтод заасан чиг үүргийн хүрээнд ажилтан бүр ажлаа төлөвлөж, гүйцэтгэлээ жил бүр тайлагнах ёстой. Энэ журмын дагуу бид тайлангийн хурлыг сүүлийн 10 жил тасралтгүй зохион байгуулж, ажилтнуудын ажлын гүйцэтгэлийг бодитой, шударга, ил тод үнэлж ирсэн” хэмээн онцолсон юм. Тэрээр, мөн тайлангийн хурлын хүрээнд байгууллагын үйл ажиллагаанд байгаа давуу болон сул тал, эрсдэлийг тодорхойлж, тэдгээрийг бууруулах хамтын шийдвэр гаргахад энэхүү тайлан чухал ач холбогдолтойг тэмдэглэв. Мөн Төлөвлөлт, эдийн засгийн хэлтсээс боловсруулж, Ерөнхий захирлын баталсан ажилтны ажлын гүйцэтгэлийг үнэлэх журмын дагуу хамт олны үнэлгээ, өөрийн үнэлгээ, удирдлагын үнэлгээг хослуулсан 360 градусын үнэлгээний аргыг хэрэгжүүлж, гүйцэтгэлтэй уялдуулан үнэлж байгааг дурдлаа.
Түүнчлэн, Хүний нөөц, захиргааны хэлтсийн 2025 оны тайланг Олон улсын ISO 30400 багц стандартын хүрээнд, тоон шинжилгээнд тулгуурлан, гүйцэтгэлийг илүү тодорхой үзүүлэлтээр үнэлэх зорилготой боловсруулсан нь энэ удаагийн тайлангийн онцлог юм гэв. Цаашид удирдлагын болон бусад процессын алдагдлаас үүдэлтэй эрсдэлийг бууруулах, үйл ажиллагааг сайжруулах, ажилтнуудын санал хүсэлт, сэтгэл ханамжийг дээшлүүлэх бодлого, зорилтуудыг хэрэгжүүлэхэд анхаарч ажиллахаа илэрхийллээ.
Нар минутад мандаж минутад жаргана.
Үс засуулвал: 
Суудал: 
