Эрдэнэт үйлдвэрийн Хүний нөөц, захиргааны хэлтсээс зохион байгуулсан “Аудиторуудын цаг” уулзалт, хэлэлцүүлэг өнөөдөр "Оюу" танхимд боллоо. Уулзалтын зорилго нь Хүний нөөцийн менежментийн ISO 30400 багц стандартын хэрэгжилтийг ахисан түвшинд хүргэх, тулгамдаж буй асуудал, эрсдэлийг тодорхойлон шийдвэрлэхэд чиглэсэн. Энэхүү үйл ажиллагааг нээж, Хүний нөөц, захиргааны хэлтсийн дарга О.Отгонбаяр хэлсэн үгэндээ: “Аудиторуудын цаг" үйл ажиллагааг өнгөрсөн жилээс уламжлал болгон зохион байгуулж байна. Энэ хүрээнд аудиторуудын чадавхыг дээшлүүлэх, мэргэжлийн боловсролыг ахиулах, бусад стандартуудаар мэргэшүүлэх зорилт тавин ажиллаж байна” хэмээн онцлов. Мөн тэрбээр өмнөх ISO 30400 багц стандартын баталгаажуулах аудитаас гарсан зөвлөмжийг хэрэгжүүлэх, 2026 оны сайжруулалтын төлөвлөгөөнд аудиторуудын санал бодлыг тусгах, эрсдэлийг хэрхэн шийдвэрлэх талаар хэлэлцэх нь энэхүү уулзалтын гол зорилго гэдгийг дурдлаа. Уулзалтын үеэр ISO 30400 стандартын хэрэгжилтийн явцын танилцуулга хийгдэж, 2026 онд хэрэгжүүлэх төлөвлөгөөний төслийг хэлэлцэн, дотоод аудит болон стандартын хэрэгжилтийг сайжруулах чиглэлээр багууд санал бодлоо солилцов. Мөн Эрдэнэт үйлдвэр 2027 оноос нэгдсэн менежментийн тогтолцоонд бүрэн шилжих бэлтгэл ажлыг ханган ажиллаж байгааг онцолсон юм.
Нар минутад мандаж минутад жаргана.
Үс засуулвал: 
Суудал: 
