“Эрдэнэт үйлдвэр” ТӨҮГ ажилтан төвтэй бодлогынхоо хүрээнд туршлагатай ажилтнуудаасаа залуус суралцах, хөдөлмөрийн бахархал, бүтээлийн үнэ цэнийг түгээх зорилгоор “Би ажлаасаа аз жаргалыг мэдэрдэг” алдаршуулах үйл ажиллагааг Соёл, урлагийн цогцолборт өнөөдөр зохион байгууллаа. Тус үйл ажиллагаа "Залгамж" хөтөлбөрийн шилдэг оролцогч таван ажилтны ажилдаа хандах сэтгэл, ур чадвар, үнэт туршлагыг олон нийтэд хүргэх зорилготойгоор зохион байгуулагдлаа.
Туршлагатай ажилтнуудын ажил үйлстэй танилцахаар 30 залуу ажилтан үзэгчээр оролцож, Хүний нөөц, захиргааны хэлтсийн дарга О.Отгонбаярын цахим мэндчилгээгээр уулзалт эхлэв. Дараа нь "Залгамж" хөтөлбөрийг хэрэгжүүлэх Дэд ажлын хэсгийн ахлагч, Баяжуулах үйлдвэрийн Хүний нөөцийн товчооны дарга Т.Тунгалагтамир хөтөлбөр болон алдаршуулах үйл ажиллагааныхаа зорилго, шилдэг ажилтнуудыг танилцуулснаар зочин оролцогчдын ажил үйлс, хөдөлмөр бүтээлээр бахархах уур амьсгал бүрдэв.
Алдаршуулах үйл ажиллагааны гол баатрууд болох "Залгамж" хөтөлбөрийн оролцогч Баяжуулах үйлдвэрийн Нунтаглан баяжуулах хэсгийн Хөвүүлэн баяжуулагч П.Нямсүрэн, Засвар, угсралтын цехийн Ахлах мастер Ү.Батчулуун. Ил уурхайн Экскаваторын машинч П.Пүрэвдорж, Чанарын хяналтын хэлтсийн Химийн төв лабораторийн Лаборант Л.Сарантогтох, Засвар, механикийн заводын Тоног төхөөрөмжийн засварчин М.Тулгаа нар өөрсдийн ажилдаа хэрхэн дурлаж байсан, анхны өдрөөс өнөөдрийг хүртэлх дурсамж, суралцсан зүйл, бахархам тэмүүллээ хуваалцсан нь уулзалт, ярилцлагын онцлох хэсэг байлаа.
Эдгээр таван ажилтан нь өөр өөрийн салбартаа манлайлан ажиллаж, Эрдэнэт үйлдвэрийн тогтвортой хөгжлийн зорилтод үнэтэй хувь нэмэр оруулж буй туршлагатай, үнэ цэнтэй ажилтнууд юм. Тэдний хөдөлмөрийн үнэлэмж нь байгууллагынхаа үнэ цэн, хамт олны бахархлыг илэрхийлж байдаг билээ. Алдаршуулах үйл ажиллагааны төгсгөлд хөтөлбөрийн ажлын хэсгээс зочин оролцогчдод хүндэтгэл үзүүлж, дурсгалын зүйл гардуулан, хамтдаа дурсгалын гэрэл зургаа авхуулснаар баяр бахдал дүүрэн өндөрлөсөн юм.
Нар минутад мандаж минутад жаргана.
Үс засуулвал: 
Суудал: 
