“Эрдэнэт үйлдвэр” ТӨҮГ ажилтнуудын харилцаа, манлайллын ур чадварыг сайжруулах, үе хоорондын ойлголцлыг нэмэгдүүлэх зорилгоор “Үеийн ялгаатай байдал” сэдэвт сургалтыг өнөөдөр зохион байгууллаа. Сургалтад Манлайлал, авьяас чадварын хөтөлбөр болон Залуу ажилтныг дэмжих хөгжлийн хөтөлбөрийн оролцогчид хамрагдсан бөгөөд хоёр хөтөлбөрийг нэгтгэн, хамтарсан хэлбэрээр зохион байгуулсан нь энэ удаагийн сургалтын онцлог байлаа.
Хүний нөөц, захиргааны хэлтсийн дарга О.Отгонбаяр сургалт, үйл ажиллагааг нээж хэлсэн үгэндээ, Хүний нөөцийн хөгжлийн хөтөлбөрүүдийн ач холбогдлыг онцолж, залуу ажилтнуудаа илүү идэвхтэй оролцохыг уриалсан юм. Тэрээр, “Энэ сургалт маань өнөө жил анх удаа залуу ажилтан болон манлайллын хөтөлбөрийн оролцогчдыг нэгтгэн, хамтарсан хэлбэрээр зохион байгуулагдаж байна. Хүний нөөцийн хөгжлийн хөтөлбөр маань 5 дахь жилдээ хэрэгжиж, давхардсан тоогоор нийтдээ 4000 гаруй залуу ажилтан хамрагдсан. Хөтөлбөр бол зөвхөн мэдээлэл сонсдог биш, та бүхэн өөрсдөө манлайлж, идэвхтэй оролцож, бусдад нөлөөлөх нь хамгийн чухал. Бид жил бүр энэ хөтөлбөрт боломжийн хөрөнгө оруулалт хийж байна. Энэ хөрөнгө оруулалтын өгөөж, та бүхний мэдлэг, чадварт шингэж байгаасай гэж хүсэж байна” хэмээн тэмдэглэв.
Мөн тэрээр, Англи, Солонгос хэлний сургалтын сонгон шалгаруулалт, мэргэжлийн тэтгэлэг, ОХУ-д суралцах магистрын тэтгэлэгт хөтөлбөр зэрэг боломжуудад залуучууд илүү идэвхтэй оролцох хэрэгтэйг сануулж: Эрдэнэт үйлдвэр залуу ажилтнуудаа бэлтгэхэд бодит хөрөнгө оруулалт хийж байна. Та бүхэн эдгээр боломжийг өөрийн давуу тал болгон ашиглаарай” гэв.
Бүтэн өдрийн турш үргэлжилсэн энэхүү сургалт “Үеийн ялгаатай байдал, хандлага, харилцааны онцлог”, “Ажлын байран дахь үе хоорондын бэрхшээл" хэлэлцүүлэг, “Удирдлагын хэв маяг, итгэлцэл ба шийдвэр гаргалтад оролцуулах арга”, “Сэдэлжүүлэлт, тогтоон барих шинэлэг стратеги”, "Digital, Hybrid & Remote орчин дахь баг удирдлага”, “Харилцаа ба багийн уур амьсгалыг сайжруулах практик аргачлалууд” зэрэг сэдвүүдийн хүрээнд үргэлжилсэн.
Сургалтыг Хүний нөөцийн менежментийн тогтолцооны тэргүүлэх аудитор, арга зүйч багш Д.Алтантуяа удирдан явуулж, панел хэлэлцүүлэгт Хүний нөөц, захиргааны хэлтсийн дарга О.Отгонбаяр, Засвар, угсралтын цехийн Ерөнхий инженер Т.Атарбаяр, Манлайлал, авьяас чадварын хөтөлбөр болон Залуу ажилтныг дэмжих хөтөлбөрийн оролцогчид хамрагдав. Ийнхүү “Эрдэнэт үйлдвэр” ТӨҮГ ажилтнуудынхаа хөгжил, байгууллагын соёлыг бэхжүүлэх чиглэлээр цогц сургалтуудыг шат дараатайгаар хэрэгжүүлж байна.
Нар минутад мандаж минутад жаргана.
Үс засуулвал: 
Суудал: 
