“Эрдэнэт үйлдвэр” ТӨҮГ-ын Ерөнхий захирал Г.Ёндон тус үйлдвэрийн дэргэдэх Ерөнхий боловсролын 19 дүгээр дунд сургууль буюу Орос сургуулийн 12-р ангийн сурагчдад ОХУ-ын Их, дээд сургуульд үнэ төлбөргүй суралцах эрхийн батламж гардууллаа. Тэрээр энэ үеэр ОХУ-д суралцах эрхийн эзэн болсон сурагчдад баяр хүргэж, амжилт хүсэхийн зэрэгцээ өөр өөрсдийн эзэмшсэн мэргэжлээр Эрдэнэт хот, Эрдэнэт үйлдвэртээ ирж ажиллах боломж байгааг онцлов.
19 дүгээр дунд сургуулийн 12-р ангийн сурагч О.Учрал, Б.Минжин, Х.Энхриймаа, Ч.Хашбилгүүн, С.Эрдэнэ-Од, Ч.Цацрал нар ОХУ-ын Гадаад Харилцааны яам болон Россотрудничествагийн Монгол дахь Төлөөлөгчийн газраас манай улсад ОХУ-ын стандартаар сургалтын үйл ажиллагаа явуулдаг Ерөнхий боловсролын сургуулиудын дунд зохион байгуулсан орос хэлний олимпиадад амжилттай оролцож, дээрх суралцах эрхээр шагнуулжээ. Тэд ОХУ-ын их, дээд сургуулиудад анагаах ухаан, хүмүүнлэг, техникийн мэргэжлээр үнэ төлбөргүй суралцан, дээд боловсрол эзэмших юм.
Суралцах эрхийн батламж гардуулах уулзалтад 2025-2026 оны хичээлийн жилд ОХУ-ын Гэгээрлийн яамны дэргэдэх Олон улсын хамтын ажиллагааны төвөөс Ерөнхий боловсролын 19 дүгээр сургуульд ажиллахаар ирсэн багш нар оролцсон бөгөөд Ерөнхий захирал Г.Ёндон тэдэнтэй санал бодлоо солилцож, ажлын амжилт хүслээ.
Нар минутад мандаж минутад жаргана.
Үс засуулвал: 
Суудал: 
