“Эрдэнэт үйлдвэр” ТӨҮГ-ын үнэ цэнийг нэмэгдүүлэх, үйл ажиллагааны үр ашгийг сайжруулах, байгаль орчин, нийгэм, засаглалын хариуцлагатай уул уурхайг дэмжих зорилгоор ажилтнуудын санаачлан хэрэгжүүлсэн бизнес сайжруулалтын шилдэг төслүүдийг шалгаруулах үйл ажиллагаа өнөөдөр боллоо.
Шалгаруулалтыг нээж, Бүтээмжийн асуудал хариуцсан менежер Г.Цогнэмэх хэлсэн үгэндээ “…Ажилтнуудын мэдлэг, ур чадвар, бүтээлч сэтгэлгээ, хамтын ажиллагаанд тулгуурласан сайжруулалтын төслүүд амжилттай хэрэгжиж, үр дүнгээ өгч байгаад баяртай байна. Төслийн багууд бүтээмж дээшлүүлэх арга хэрэгслүүдийг ашиглан, бизнес процессын сайжруулалт, үйлдвэрлэлийн тасралтгүй ажиллагааг хангах, үр ашгийг нэмэгдүүлэх, удирдлагын шийдвэр гаргалтыг оновчлох зэрэг олон чиглэлд үр дүнтэй ажилласан нь өнөөдрийн шалгаруулалтын гол үндэс болж байна...” хэмээн онцоллоо.
Уралдаанд нийт 37 төслийн баг оролцсон бөгөөд II шатны шалгаруулалтад 17 баг илтгэлээ танилцуулсан юм. Тухайлбал, Баяжуулах үйлдвэрийн Б.Анхбат ахлагчтай баг “Шүүн хатаах хэсгийн зэсийн даралтат шүүлтүүр 2-ын бүтээмжийг нэмэгдүүлэх, хэмнэлт гаргах”, Цахилгаан хөтлүүр, автоматикийн хэсэг, Ган бөөрөнцгийн цехийн инженерүүд “Ган бөөрөнцгийн чанарыг сайжруулах”, Авто тээврийн цехийн Хүнд даацын өөрөө буулгагчийн цахилгааны засварчин, электронщик Э.Лхагважав “Хүнд даацын өөрөө буулгагчийн өндөр хүчдэлийн болон хянах дэлгэцийн мэдээллийг алсаас хянах систем”, Спорт цогцолборын Б.Одбаяр ахлагчтай баг “Хиймэл цас боловсруулах гадна усан хангамжийн сүлжээний найдвартай ажиллагааг дээшлүүлэх нь” зэрэг төслүүд хэлэлцүүллээ.
Үнэлгээний багт Бүтээмжийн асуудал хариуцсан менежер Г.Цогнэмэх, ТЭЗШХ-ийн Хөдөлмөр зохион байгуулалт, цалин хөлсний албаны дарга Н.Ариунаа, ҮТХ-ийн Төлөвлөлт мониторингийн албаны дарга Б.Намуунгэрэл, ТЭЗШХ-ийн Тэргүүлэх эдийн засагч Ц.Оюунболор, ХАБЭАХ-ийн Төлөвлөлт, стандарт хариуцсан мэргэжилтэн А.Сугарсүрэн, БОНХХ-ийн Химийн бодис, хог хаягдал хариуцсан мэргэжилтэн А.Одонтуяа, Механикийн хэлтсийн механикч инженер Ц.Ууганбаяр, Эрчим хүчний хэлтсийн ус хангамжийн тэргүүлэх мэргэжилтэн Д.Батболд, ДХМХ-ийн Хяналт шалгалт, мониторингийн тэргүүлэх мэргэжилтэн Л.Баасандорж нарын гишүүд ажиллав.
Төслүүдийн эдийн засгийн үр ашгийн баталгаажуулалт хийгдсэний дараа уралдааны шалгаруулалтын нэгдсэн дүн гарах юм.
Нар минутад мандаж минутад жаргана.
Үс засуулвал: 
Суудал: 
