Эрдэнэт үйлдвэрийн дэргэдэх ерөнхий боловсролын 19 дүгээр дунд сургууль буюу орос сургуулийн шинэ багш, ажилтнууд Эрдэнэт үйлдвэрийн үйл ажиллагаатай танилцлаа. Тус сургуулийн захиргаанаас шинээр ажилд орсон багш, ажилтнууддаа зориулан Эрдэнэт үйлдвэртэй танилцах, улмаар сурагчдынхаа эцэг эхчүүдийн ажлын байртай танилцуулах аяллыг жил бүр зохион байгуулдаг уламжлалтай. Энэ уламжлалын дагуу 2025-2026 оны хичээлийн жилд ОХУ-аас ирж, тус сургуульд ажиллаж байгаа 14 багш, ажилтнуудаа Эрдэнэт үйлдвэрээр аялууллаа. Тэдгээр багш нарын 12 нь анх удаа Монгол улсад ирж байгаа бөгөөд уулын баяжуулах Эрдэнэт үйлдвэрийг дэргэдээс нь үзэж, маш том бүтээн байгуулалт гэдгийг нүдээр харж, бахархах сэтгэл төрлөө хэмээн ярьж байв. Орос багш, ажилтнууд аяллын хөтөлбөрөөрөө Эрдэнэт үйлдвэрийн Ил уурхай, Баяжуулах үйлдвэр, Авто тээврийн цехийн үйл ажиллагаатай танилцсан бол Ногоон хөгжлийн төвд зочлон, Ойн генетикийн нөөцийн төвийг үзэж сонирхлоо. Мөн Эрдэнэт үйлдвэрийн түүхэн замналын цахим музейд зууны манлай үйлдвэрийн он цагийн эхлэл, хөгжил дэвшлийн үүх түүхтэй танилцсан байна.
Нар минутад мандаж минутад жаргана.
Үс засуулвал: 
Суудал: 
