“Эрдэнэт үйлдвэр” ТӨҮГ-ын Аж ахуй, үйлчилгээний цехийн Эцэг эхийн зөвлөл, Үйлдвэрчний эвлэлийн хороо, тэргүүлэх мэргэжилтнүүд, мастерууд хамтран, ажилтнуудынхаа 4-өөс 12 дугаар ангийн хүүхдүүдэд зориулсан “Амьдралд ойрхон харилцаа” сэдэвт сургалтыг өнөөдөр зохион байгууллаа.
Багш нарын ажил хаялтаас үүдэлтэйгээр бий болсон чөлөөт цагийг үр бүтээлтэй өнгөрүүлэх зорилгоор зохион байгуулсан уг сургалт Эрдэнэт үйлдвэрийн Ерөнхий захиргааны II байрны “Оюу” танхимд боллоо. Сургалтаар хүүхдүүдийн харилцаа, хандлага, хүндлэл, хариуцлага зэрэг зан төлөвийн үнэт чанарыг төлөвшүүлэхийн зэрэгцээ электрон тамхины хор уршиг, хийжүүлсэн ундааны буруу хэрэглээ, гар утасны зохистой хэрэглээ, үе тэнгийн дээрэлхэлтээс урьдчилан сэргийлэх, эцэг эх, багш нарын анхаарал, халамжийн үнэ цэнийн талаар танилцуулсан юм.
Сургагч багш Ч.Отгоо сургалтыг сонирхолтой хэлбэрээр удирдаж, бодит жишээ, биет үзүүлэн ашиглан хүүхдүүдтэй харилцан ярилцаж, тэдэнд тулгамдаж буй асуудлуудын талаар нээлттэй хэлэлцүүлэг өрнүүллээ.
Энэхүү үйл ажиллагаа нь Аж ахуй, үйлчилгээний цехийн 50 жилийн ойн хүрээнд хэрэгжүүлж буй олон талт ажлын нэг хэсэг бөгөөд нийт 70 хүүхэд хамрагдав.
Нар минутад мандаж минутад жаргана.
Үс засуулвал: 
Суудал: 
