“Эрдэнэт үйлдвэр” ТӨҮГ Хүний нөөцийн менежментийн тогтолцооны ISO 30400 олон улсын багц стандартыг дөрвөн жилийн өмнөөс хэрэгжүүлж эхэлсэн. Тэгвэл эхний баталгаажуулалтын гэрчилгээний хугацаа дууссанаар хүний нөөцийн мэргэжилтнүүд давтан баталгаажуулалтын аудит хийж байна. Энэ сарын 21-нээс 24-ний өдрүүдэд Эрдэнэт үйлдвэрийн бүтцийн зарим нэгжүүдэд хүний нөөцийн менежментийн тогтолцооны ISO 30400 багц стандартын олон улсын баталгаажуулалтын аудит дахин хийгдэж байгаа юм.
Аудитын багийнхан Ногоон хөгжлийн төслийн нэгжийн байр болох Говил дахь Ойн генетик нөөцийн “Эрдэнэт” төвийн үйл ажиллагаатай өнөөдөр танилцлаа. Төслийн нэгжийн дарга Б.Сэр-Оддамба стандартын дагуу баригдсан барилга байгууламж, дэд бүтэц, ажилтнуудынхаа талаар дэлгэрэнгүй мэдээлэл хийв. Мөн Ойн генетик нөөцийн төвийн 1, 2-р давхар, гадна орчин, техник тоног төхөөрөмжтэй танилцаж, ажилтнуудын сэтгэл ханамж, сургалтын талаар санал бодлоо солилцлоо.
Мөн энэ үеэр Үйлдвэрлэл, технологийн парк төслийн нэгжийн дарга Б.Алтангэрэл нэгжийнхээ бүтэц, үйл ажиллагааг баталгаажуулалтын аудитын багт танилцуулж, сонирхсон асуултад хариулт өгсөн. Энэ өдөр аудитын баг Үйлдвэрлэл, технологийн парк төслийн нэгж, Геологи, хайгуулын экспедици, Баяжуулах үйлдвэр, Төрөлжсөн архивт очиж үйл ажиллагаатай нь танилцан, ажилтнуудтай уулзалт хийлээ.
Нар минутад мандаж минутад жаргана.
Үс засуулвал: 
Суудал: 
