Монголын Мэргэшсэн Нягтлан Бодогчдын Институтийн нэрэмжит спортын 18-р их наадам ширээний теннис, волейбол, шатар, сагсан бөмбөг, дартс, корнхолын төрлөөр Эрдэнэт хотноо хоёр өдрийн турш амжилттай зохион байгуулагдаж өндөрлөлөө. Энэ сарын 17, 18-ны өдрүүдэд болсон тус наадмын хаалтын ёслолын үйл ажиллагаанд Монгол Улсын Улсын Их Хурлын гишүүн Д.Үүрийнтуяа, Монголын Мэргэшсэн Нягтлан бодогчдын Институтийн Удирдах зөвлөлийн дарга бөгөөд Ерөнхийлөгч Д.Нацагдорж, Монгол Улсын гавьяат эдийн засагч, удирдах зөвлөлийн гишүүн Р.Батжаргал, Монголын Мэргэшсэн Нягтлан Бодогчдын Институтийн гүйцэтгэх захирал Б.Оюунбаатар, “Мандах” их сургуулийн ерөнхий захирал Г.Нанжид, Монголын волейболын холбооны Ерөнхийлөгч Н.Амарзаяа, Монголын Мэргэшсэн Нягтлан Бодогчдын Институтийн Орхон аймаг дахь салбарын тэргүүн Т.Очирхүү нар оролцож, баг тамирчдад баяр хүргэн шагнал гардуулав.
Энэ үеэр Баянзүрх дүүргийн тамирчин Г.Оюунтөгөлдөрт волейболын спортын нэгдүгээр зэргийн үнэмлэх олголоо. Хоёр жил тутамд зохиогдож ирсэн тус спортын наадмын тэргүүн байрыг нийт 58 оноогоор Дархан-Уул салбарын баг тамирчид эзэлж, аваргын шилжин явах цом, Эрдэнэт үйлдвэрийн уурхайчин эмэгтэйчүүдийн урласан бүтээгдэхүүний дээж, өргөмжлөл, мөнгөн шагнал хүртлээ. Дэд байрыг 59 оноогоор Хан-Уул салбар эзэлсэн бол гутгаар байрт 61 оноогоор Баянгол салбар шалгарав.
Эрэгтэйчүүдийн волейболын тэмцээнд Д.Баяраа ахлагчтай Хан-Уул салбарын баг түрүүлж, дэд, гутгаар байрыг Д.Отгонбаяр ахлагчтай Орхон, Ш.Мөнхбаяр ахлагчтай Дархан-Уул салбарын багууд эзэллээ. Мөн Хан-Уул дүүргийн тамирчин Б.Замилан, Баянхонгорын Ч.Долгорсүрэн нар тэгш тоглогчийн шагнал гардсан бол эмэгтэйчүүдийн төрөлд Дундговь салбарын Ц.Амгаланзаяа ахлагчтай баг түрүүлэв. Удаах байруудыг Ч.Долгорсүрэн ахлагчтай Баянхонгор, Д.Одончимэг ахлагчтай Сонгинохайрхан салбарын баг, тамирчид эзлэв.
Сагсан бөмбөгийн төрөлд Сонгинохайрхан дүүргийн Д.Данзандорж ахлагчтай баг тэргүүн байрт шалгарсан бол Орхон аймгийн Л.Галсансайнхувьт ахлагчтай баг удаалж, Ц.Бадрал ахлагчтай Ховд салбарын баг гутгаар байр эзлэв. Эмэгтэйчүүдийн төрөлд Дархан-Уул аймгийн З.Мөнгөнцэцэг ахлагчтай баг түрүүлж, Сүхбаатар дүүргийн Ө.Болормаа, Завхан салбарын Г.Дашбалжир ахлагчтай багууд удаалав. Мөн Хан-Уул дүүргийн тамирчин З.Мөнгөнцэцэг тэгш тоглогчийн шагнал хүртлээ.
Ширээний теннисний эрэгтэйчүүдийн төрөлд Багануур салбарын тамирчин Л.Эрдэнэчулуун түрүүлж, Налайх дүүргийн Б.Бямбасүрэн, Орхон салбарын Л.Галсансайнхувьт нар дэд, гутгаар байр эзлэв. Эмэгтэйчүүдийн тэргүүн байрт Хан-Уул дүүргийн Т.Дэлгэрмаа шалгарч, Дархан-Уул салбарын Б.Эрдэнэчимэг, Төмөр замын Мөнгөнхүү нар удаалав.
Дартсын төрөлд Р.Содномдаржаа ахлагчтай Хан-Уул, Б.Цэнд-Аюуш ахлагчтай Төмөр зам, А.Ариунбаяр ахлагчтай Төв аймгийн багууд эхний гурван байр эзлэлээ.
Эрэгтэйчүүдийн шатрын тэмцээнд Хэнтийн Ц.Алтан-Өлзий түрүүлж, Сүхбаатарын Б.Бадам, Говьсүмбэрийн У.Занабазар нар хоёр, гуравдугаар байрт шалгарлаа. Эмэгтэйчүүдээс Баянголын С.Байгаль, Баянзүрх дүүргийн Ж.Нандин-Эрдэнэ, Баянхонгорын Д.Оюун-Эрдэнэ нар эхний гурван байрны эзнээр тодров.
Корнхоллын төрөлд Ж.Ганбаатар ахлагчтай Хан-Уул дүүргийн баг түрүүлж, дэд, гутгаар байрыг Ч.Мөнхбаяр ахлагчтай Дархан-Уул, Н.Дагмидмаа ахлагчтай Баянхонгорын багууд эзлэв. Ийнхүү 21 аймаг, найман дүүргээс 1200 тамирчин оролцсон Монголын Мэргэшсэн Нягтлан Бодогчдын Институтийн нэрэмжит спортын 18-р Их наадам Эрдэнэт хотноо амжилттай болж өндөрлөлөө.
Нар минутад мандаж минутад жаргана.
Үс засуулвал: 
Суудал: 
