Монголын Мэргэшсэн Нягтлан Бодогчдын Институтээс хоёр жил тутамд зохион байгуулдаг спортын наадам энэ жил Орхон аймагт болж байна. 18 дахь удаа зохиогдож буй тус тэмцээн өнөөдөр Эрдэнэт үйлдвэрийн Спорт цогцолборт ширээний теннисний төрлөөр эхэллээ. Энэ удаагийн спортын наадмыг “Эрдэнэт үйлдвэр” ТӨҮГ-ын Санхүү, нягтлан бодох бүртгэлийн хэлтсийн дарга Т.Очирхүү тэргүүнтэй Монголын Мэргэшсэн Нягтлан Бодогчдын Институтын Орхон аймаг дахь салбар гардан зохион байгуулж, дэмжигчээр “Эрдэнэт үйлдвэр” ТӨҮГ ажиллаж байна.
Мэргэшсэн нягтлан бодогчдын спортын наадмын ширээний теннисний төрөлд Улаанбаатар хотын дүүрэг, 21 аймгийн тамирчид ганцаарчилсан болон багийн тоглолтоор хурд самбаагаа сорин өрсөлдөж байна. Мөн ширээний теннисний спортын зэрэг цолтой тамирчид оролцож буйг зохион байгуулагчдын зүгээс онцлов.
Энэ удаагийн спортын наадамд нийт 1300 мэргэшсэн нягтлан бодогчид шатар, волейбол, сагсан бөмбөг, дартс, ширээний теннис, корнхол зэрэг зургаан төрлөөр өрсөлдөж, 18 дугаар наадмын аваргуудаа тодруулах юм.
Нар минутад мандаж минутад жаргана.
Үс засуулвал: 
Суудал: 
