Монголын Мэргэшсэн Нягтлан Бодогчийн Институтийн спортын 18-р их наадмын үйл ажиллагаа Эрдэнэт хотод эхэлж байна. Энэ хүрээнд нягтлан бодогчийн мэргэжлийг сурталчлах өдөрлөг, мэргэшсэн нягтлан бодогчид, нягтлан бодох мэргэжлээр суралцаж буй төгсөх курсын оюутнууд, төрийн болон хувийн хэвшилд мэргэжлээрээ ажиллаж байгаа нягтлан бодогчдын дунд “Нягтлан бодох бүртгэл мэргэжлийн үнэ цэнэ ба Шинэ эрин” сургалт боллоо.
Сургалтыг Монголын Мэргэшсэн Нягтлан Бодогчийн Институт, Орхон аймгийн ЗДТГ, “Эрдэнэт цогцолбор” дээд сургууль хамтран зохион байгуулж, нягтлан бодогчдод нийгэм, олон улс дахь технологийн өөрчлөлт, хиймэл оюуны хөгжлийн цаг үед мэргэжлээрээ хэрхэн үр дүнтэй манлайлах, ур чадвар эзэмших мэдлэг мэдээллийг сургалтаар өгөв. Мөн олон улсын татварын хэлэлцээрүүд, гадаад худалдаа, өөрчлөлт, чиг хандлага, нягтлан бодогчийн мэргэжлээс гадна бусадтай хэрхэн үр дүнтэй ажиллах шинэ ур чадварт хэрхэн суралцах зэрэг сэдвээр “Infinity Skills Academy”-ийн сургагч багш А.Есүнгэ, Мэргэшсэн нягтлан бодогч Ц.Энхжавхлан, Монголын Мэргэшсэн Нягтлан Бодогчийн Институтийн Гүйцэтгэх захирал Б.Оюунбаатар нар хичээл зааж, зөвлөмж, харилцан яриа өрнүүллээ. Нягтлан бодогчийн мэргэжил сурталчлах өдөрлөг, сургалтыг зохион байгуулахад дэмжин хамтран ажиллаж буй Орхон аймгийн ЗДТГ, “Эрдэнэт үйлдвэр” ТӨҮГ болон бусад байгууллага, хамт олонд талархаж буйгаа Монголын Мэргэшсэн Нягтлан Бодогчийн Институтийн Салбар, гишүүнчлэл хариуцсан Дэд захирал Л.Батзаяа илэрхийлэв.
Энэ сарын 17-19-ний өдрүүдэд Эрдэнэт хотноо зохиогдож буй Монголын Мэргэшсэн Нягтлан Бодогчийн Институтийн спортын 18-р их наадамд Улаанбаатар хот болон 21 аймгийн 1300 гаруй мэргэшсэн нягтлан бодогчид спортын зургаан төрлөөр хурд хүчээ сорин өрсөлдөнө. Хоёр жил тутамд зохиогддог спортын наадмын тамирчид энэ удаагийн тэмцээний үеэр мод тарих үйл ажиллагаанд оролцох юм. Монгол Улсын хэмжээнд нийт 5600 гаруй мэргэшсэн нягтлан бодогч байдаг аж.
Нар минутад мандаж минутад жаргана.
Үс засуулвал: 
Суудал: 
