“Эрдэнэт үйлдвэр” ТӨҮГ болон Эдийн засгийн үндэсний дээд сургуулийн хамтын ажиллагааны хүрээнд 1000 уурхайчинд зориулсан “Өрхийн төсвийн удирдлага ба санхүүгийн боловсрол” сэдэвт танхим болон цахим хосолсон сургалт гурван сарын турш үргэлжилж, амжилттай өндөрлөлөө.
Сургалтыг тус үйлдвэрийн Захиргаа, удирдлага, санхүүгийн газар, Эмэгтэйчүүдийн холбоо, Үйлдвэрчний эвлэлийн холбоо, “Эрдэм мэдлэг түгээх төв” ТББ хамтран зохион байгуулсан бөгөөд хаалтын үйл ажиллагааны үеэр шилдэг оролцогчдыг тодруулж, “Дүүрэн авдар”-аар урамшуулав.
Шинжлэх ухааны доктор (Sc.D) Л.Оюун багш сургалтаа дүгнэхдээ, “1000 ажилтныг хамруулсан санхүүгийн боловсрол олгох сургалт анхных нь байлаа. Зуны амралтын үе таарсан нь нэг талаар гар утсаа үзэх, цахим ангидаа гэр бүлээрээ орох боломжийг бүрдүүлж, сургалтыг илүү үр дүнтэй болголоо” хэмээн онцлов.
Сургалтын хаалтын үйл ажиллагааны үеэр Эрдэнэт үйлдвэрийн Эмэгтэйчүүдийн холбооны тэргүүн Х.Оюунтунгалаг “Өнөөдөр үйлдвэрийн ажиллагсдын бүтэн үе шинэчлэгдэж, нийт уурхайчдын талаас илүү хувийг залуус эзэлж байна. Энэ үед өрхийн төсвөө зөв удирдах, санхүүгийн боловсролоо дээшлүүлэх 10 модульт сургалт хэрэгжүүлсэн нь маш цаг үеэ олсон ажил боллоо” хэмээн сэтгэгдлээ хуваалцлаа.
Сургалтаар оролцогчид өрхийн болон хувийн санхүүгээ зөв төлөвлөх, хянах арга барилд суралцаж, “Өрхийн санхүүгийн дэвтэр” хөтлөх, санхүүгийн тооцооллын программ ашиглах мэдлэг, дадлыг эзэмшжээ. Ийнхүү “Эрдэнэт үйлдвэр” ТӨҮГ уурхайчдынхаа амьдрах ухаан, санхүүгийн боловсролыг дээшлүүлэх бодлогыг үе шаттай хэрэгжүүлж, ажилтнуудынхаа нийгмийн хөгжилд бодит хувь нэмэр оруулж байна.
Нар минутад мандаж минутад жаргана.
Үс засуулвал: 
Суудал: 
