НҮБ-аас жил бүрийн 10 дугаар сарын 11-нийг Олон улсын охидын эрхийг хамгаалах өдөр буюу “Охидын өдөр” болгон тэмдэглэдэг уламжлалтай. Энэ өдрийг тохиолдуулан Орхон аймгийн Ерөнхий боловсролын “Ирээдүйн одод” спортын сургууль санаачилга гаргаж, “Эрдэнэт үйлдвэр” ТӨҮГ-ын Эмэгтэйчүүдийн холбоонд хүсэлт тавьсны дагуу охидод зориулсан уулзалт зохион байгуулав. Уулзалтад “Эрдэнэт үйлдвэр” ТӨҮГ-ын Эмэгтэйчүүдийн холбооны тэргүүн Х.Оюунтунгалаг, Судалгаа, шинжилгээний хүрээлэнгийн Эмэгтэйчүүдийн зөвлөлийн гишүүд болон “Эрдэнэт” сувиллын цогцолборын Эмэгтэйчүүдийн тасгийн эрхлэгч Б.Бурмаа нар оролцож, өсвөр насны охидод зөвлөгөө, мэдээлэл өглөө.
Эрдэнэт үйлдвэрийн Эмэгтэйчүүдийн холбооны Тэргүүн Х.Оюунтунгалаг охидод хандсан сэдвийн хүрээнд зорилготой байх, мэргэжил сонголтоо зөв хийх, зөв дадал, хандлага төлөвшүүлэх, хамт олонч сэтгэл, цагийн менежмент, нөхөрлөл ба хүндлэл, сошиал орчны зөв хэрэглээ зэрэг асуудлаар чин сэтгэлийн яриа өрнүүлсэн юм. Харин “Эрдэнэт” сувиллын цогцолборын Эмэгтэйчүүдийн тасгийн эрхлэгч Б.Бурмаа өсвөр насны охидын бие махбодийн болон сэтгэл зүйн өөрчлөлт, эрүүл мэндийн зөв дадал, өөрийгөө хайрлах, хамгаалах талаар хэрэгтэй мэдлэг, зөвлөгөө өгч, сурагчдын асуултад дэлгэрэнгүй хариулт өглөө.
Мөн Судалгаа, шинжилгээний хүрээлэнгийн Эмэгтэйчүүдийн зөвлөлөөс охидод бэлэг дурсгал гардуулж, сурлага, спортын өндөр амжилт хүслээ.
Энэ өдөр Эмэгтэйчүүдийн холбоо Эрдэнэт үйлдвэрийн дэргэдэх “Энэрэл” төвийн өсвөр насны охидод ижил төрлийн уулзалтыг мөн зохион байгуулсан байна.
Нар минутад мандаж минутад жаргана.
Үс засуулвал: 
Суудал: 
