“Эрдэнэт үйлдвэр” ТӨҮГ Шинэ Хархорум хотын төлөвлөлтөд тусгагдсан ногоон байгууламж, ойн зурвас байгуулахад дэмжлэг үзүүлж, нийт 150,000 мод тарьж арчлан ургуулахаар ажиллаж байна. Энэхүү ажлыг үйлдвэрийн газрын Ногоон хөгжлийн төслийн нэгж гардан хэрэгжүүлж байгаа бөгөөд навчит мод 105,000, шилмүүст мод 45,000 ширхгийг тарихаар төлөвлөжээ. Ойн инженерүүд Хангалын түр мод үржүүлгийн газраасаа бургас, улиас зэрэг навчит модны 73800 суулгацыг өнгөрсөн хавар гурван удаагийн тээвэрлэлтээр шилжүүлэн суулгасан байна. Харин шилмүүст модны тендер шалгаруулалтаар “Бугантнандин” ХХК-тай нарс мод тарьж арчлах гэрээ байгуулан хамтран ажиллаж байна. Мөн шинэс, гацуур тарьж арчлах ажлын тендер зарласан, гэж Ногоон хөгжлийн төслийн нэгжээс мэдээллээ.
Шинэ Хархорум хотод Эрдэнэт үйлдвэрээс хүн хүч, трактор техникүүд ажиллаж байна. Түүнээс гадна Зэвсэгт хүчний жанжин штабтай байгуулсан Хамтран ажиллах гэрээний дагуу Өвөрхангай аймгийн 256-р ангийн бие бүрэлдэхүүн талбай тэмдэгжүүлэх, мод тарих, усалгааны ажилд оролцож байгааг мэргэжилтнүүд онцоллоо.
Бүх нийтээр мод тарих үндэсний өдрийн хүрээнд өнгөрсөн амралтын өдрүүдэд Шинэ Хархорумд нөхөн болон нэмэлтээр 44200 гаруй хайлаас, улиас, бургас тарьжээ. Ийнхүү Эрдэнэт үйлдвэрээс Шинэ Хархорум хотын төлөвлөлтөд зориулж тарьсан модны тоо 122800-д хүрч байна.
Нар минутад мандаж минутад жаргана.
Үс засуулвал: 
Суудал: 
