“Эрдэнэт үйлдвэр” ТӨҮГ-ын удирдах ажилтны даваа гаргийн ээлжит шуурхай зөвлөгөөн өнөөдөр болж, Үйлдвэрийн газрын Ерөнхий инженер Т.Батмөнх удирдлаа. Өнгөрсөн долоо хоногт Эрдэнэт үйлдвэрийн хэмжээнд галын зөрчил, гэмт хэргийн дуудлага мэдээлэлгүй, хөдөлмөрийн эрүүл мэнд, аюулгүй байдлын талаар хэвийн ажилласан байна. Өндөр эрсдэлтэй 10 ажил гүйцэтгэж, нийт ажилтны сургалт зохион байгуулагдаж байгааг Хөдөлмөрийн аюулгүй байдал, эрүүл ахуйн хэлтэс мэдээллээ.
Энэ сарын 24-ний өдөр Орхон аймгийн байгаль орчны салбарынхны “Нээлттэй хаалганы өдөрлөг” болж, Эрдэнэт үйлдвэрийн Байгаль орчин, ногоон хөгжлийн хэлтэс оролцон үйлдвэрийн газраас байгаль орчныг хамгаалах, нөхөн сэргээх чиглэлээр хийгдэж байгаа ажлын талаарх мэдээллийг иргэдэд хүргэжээ.
Ирэх сарын дөрвөнд “Бүх нийтээр мод тарих өдөр”-ийн бэлтгэл ажил хангагдаж байна. Байгаль орчин, ногоон хөгжлийн хэлтэс, Хөдөлмөрийн аюулгүй байдал, эрүүл ахуйн хэлтэс, Гамшгаас хамгаалах штаб, мэргэжлийн анги нэгтгэл, үйлдвэрийн газрын цех нэгжүүдийг галын эрсдэл үүсэж болзошгүй байгаа тул орчны цэвэрлэгээ хийх, хамтарсан төлөвлөгөө гаргаж ажиллахыг шуурхай зөвлөгөөнөөс үүрэгдлээ.
Эрдэнэт үйлдвэрийн Үйлдвэрлэл, техникийн хэлтсийн дарга Т.Түмэн-Өлзий өнгөрсөн шуурхай зөвлөгөөнөөс өгсөн үүрэг даалгаврын биелэлтийг танилцуулж, үйлдвэрлэлийн төлөвлөгөөт үзүүлэлтүүдийн талаар мэдээлэл өгсөн. Уурхайчид 2025 оны есдүгээр сарын үйлдвэрлэлийн төлөвөлөгөөг амжилттай биелүүлж, шинэ сарын ажлаа төлөвлөж байна.
Монгол Улсын Засгийн газрын 109, 279-р тогтоол, тодруулбал Цагаан сар, Үндэсний баяр наадмын амралттай холбоотойгоор 10-р сарын 4, 25-ны бямба гараг, 11-р сарын 8, 23-ны амралтын өдрийг ажлын өдөр болгохоор тушаал төлөвлөж байна. Мөн 12-р сарын зургааны бямба гарагт нөхөж ажиллахаар байгааг шуурхай зөвлөгөөнд мэдээллээ.
Эрдэнэт үйлдвэрийн цех нэгжүүд намар, өвлийн бэлтгэл ажлын хүрээнд 305 ажил төлөвлөснөөс өнөөдрийн байдлаар 83,4 хувийн биелэлттэй байна. Үлдэж байгаа саруудад үйлдвэрлэлийн төлөвлөгөөний биелэлт хангахаар уурхайчид өндөр ачаалалтай ажиллана. Тиймээс техникийн бэлэн байдлыг хангах, технологийн материалын нөөц бүрдүүлэх, худалдан авах, нийлүүлэх үйл ажиллагааг шуурхай зохион байгуулах, цахилгаан эрчим хүчний бэлэн байдлыг хангахад онцгой анхаарч ажиллахыг шуурхай зөвлөгөөнөөс үүрэг болголоо.
Нар минутад мандаж минутад жаргана.
Үс засуулвал: 
Суудал: 
