Олон улсын ахмадын баярыг тохиолдуулан Эрдэнэт үйлдвэрийн Тээвэр, ложистикийн төв ахмад-дунд-залуу гурван үеийн уулзалтыг Соёл, урлагийн цогцолборт зохион байгууллаа. Энэхүү уулзалтад тус төвийн гавьяаны амралтад гарсан ахмадууд, идэр насныхны төлөөлөл, шинэ залуу ажилчид оролцож, байгууллагынхаа түүхэн замнал, ажлын арга туршлага, сахилга бат, хөдөлмөрийн соёл, хариуцлага, хамтын ажиллагааны үнэ цэнэ, техник технологийн шинэчлэлийн талаар нээлттэй ярилцав. Залуу үеийнхэн өөрсдийн зорилго, мөрөөдлөө хуваалцаж, төмөр замын ирээдүйн хөгжилд хэрхэн хувь нэмэр оруулах тухайгаа илэрхийлэн, ахмад үеийн туршлагаас суралцсан нь уулзалтын онцлох хэсэг байлаа.
Өнгөрсөн онд “Ахмаддаа ээлтэй байгууллага”-аар шалгарсан Тээвэр, ложистикийн төвийн дарга Х.Олзбаатар уулзалтыг нээж үг хэлэхдээ, ахмадууддаа талархал илэрхийлээд, Эрдэнэт үйлдвэрийн өргөтгөл шинэчлэл, бүтээн байгуулалтын ажлын талаар дэлгэрэнгүй мэдээлэл хүргэсэн юм. Тэрээр хүдэр боловсруулах хүчин чадал 40 сая тоннд хүрэхийн хэрээр бидний ажлын ачаалал, хариуцлага улам нэмэгдэж байна хэмээн онцлов.
Уулзалтын төгсгөлд гурван үеийнхэн нэгэн зорилгын төлөө хүчээ сэлбэн ажиллаж ирсэндээ бахархаж, бие биедээ талархал илэрхийллээ. Мөн ахмадууддаа дурсгалын зүйл гардуулснаар халуун дотно уулзалт өндөрлөв.
Нар минутад мандаж минутад жаргана.
Үс засуулвал: 
Суудал: 
