Эрдэнэт үйлдвэрийн ХАБЭА-н хэлтсийн дарга Д.Мөнхболд өнөөдөр тус үйлдвэрийн ХМОНХА-ны хамт олонтой уулзаж, хөдөлмөрийн аюулгүй байдал, эрүүл ахуйн чиглэлээр авч хэрэгжүүлж буй шинэ бодлого, чиглэлээ танилцуулж, санал солилцлоо.
“Уул уурхайн хүнд үйлдвэрт хөдөлмөрийн аюулгүй ажиллагаа хамгийн чухлаар тавигддаг бөгөөд Эрдэнэт үйлдвэр “Нэн түрүүнд ХАБ” уриан дор энэхүү бодлогоо хэрэгжүүлэн ажилладаг. Үйлдвэрлэл тасралтгүй, найдвартай ажиллахын тулд ажилтан бүр эрүүл, аюулгүй ажлын байранд хөдөлмөрлөх, түүнийг хангаж мөрдөхөд хөдөлмөрийн аюулгүй байдал, эрүүл ахуйн дүрэм заавар, аюулгүй ажиллагааны дадал хэвшлийг зогсолтгүй сурталчлан таниулах, түгээх шаардлагатай юм. Үүнд хэвлэл мэдээллийн ажилтнуудын үүрэг их. Иймд ХАБЭА-н хэлтэс аюулгүй ажиллагааны зөв дадал хэвшлийн талаарх мэдээлэл, контентыг шинэ хэлбэр, агуулгаар хийх зэргээр харилцан хамтран ажиллах нь оновчтой” гэдгийг ХАБЭА-н хэлтсийн удирдлага уулзалтын эхэнд онцолсон.
Мөн Эрдэнэт үйлдвэрийн ХАБЭА-н бодлогыг нэг бүрчлэн тайлбарлаж, өмнө нь хэрэгжүүлж ирсэн зарим үйл ажиллагааны арга барил, нэршлийг өөрчлөн, хөдөлмөрийн аюулгүй ажиллагааны дүрмийг ажилтан хүнд илүү ойр, ойлгомжтой, “хүнтэйгээ ажиллах” хэлбэрээр боловсронгуй болгон ажиллаж буйгаа танилцууллаа. ХАБЭА-н бодлого хөтөлбөрийг үр өгөөжтэй, бодитой хэрэгжүүлэх, хэвшүүлж тогтмолжуулах чиглэлээр ХАБЭА-н хэлтэс болон ХМОНХА хамтран, хөдөлмөрийн аюулгүй байдлын мэдээлэл сурталчилгааг шинэ түвшинд гаргаж ажиллахад санал нэгдсэн нь тус уулзалтын үр дүн байв. Түүнчлэн хэвлэл мэдээллийн ажилтнуудын хөдөлмөрийн аюулгүй байдал, эрүүл ахуйн талаарх мэдлэг мэдээллийг дээшлүүлэх, туршлага судлуулах, хувийн хамгаалах хэрэгслээр бүрэн хангах, бүтцийн нэгжийн мэдээллийн ажилтнуудын уялдааг нягтаршуулах зэрэг асуудалд ХАБЭА-н хэлтсээс анхаарч ажиллахаар боллоо.
Нар минутад мандаж минутад жаргана.
Үс засуулвал: 
Суудал: 
