Эрдэнэс Монгол нэгдлийн харьяа төрийн өмчит компаниуд жил бүрийн намрын эхэнд цуглаж, оны эхний хагас жилийн үйлдвэрлэл, эдийн засаг, үйл ажиллагааны тайлан, өвлийн бэлтгэл ажлынхаа талаар хэлэлцдэг болоод гурван жил болж байна. Энэ удаагийн зөвлөгөөнөөрөө “Бүтээн байгуулалт, өвөлжилтийн бэлтгэл”-ээ онцолж, үйл ажиллагааны ололт амжилт болон тулгамдаж буй асуудлаа хэлэлцэхээр тус нэгдлийн харьяаны 16 компани, “Эрдэнэт үйлдвэр” ТӨҮГ-т цуглалаа. Зөвлөгөөнд Монгол Улсын сайд, Засгийн газрын Хэрэг эрхлэх газрын дарга С.Бямбацогт болон Засгийн газрын дэд дарга, зөвлөхүүд, “Эрдэнэс Монгол” нэгдлийн удирдлагууд оролцож байна.
Зөвлөгөөнийг “Эрдэнэс Монгол” ХХК-ийн Төлөөлөн удирдах зөвлөлийн дарга, Засгийн газрын ХЭГ-ын Салбарын бодлого зохицуулалтын газрын дарга Ш.Мөнхцэрэн нээж хэлсэн үгэндээ “Эрдэнэс Монгол” ХХК, нэгдлийн хэмжээнд хүний нөөц, нягтлан бодох бүртгэл, эрсдэл, төслийн хөрөнгө оруулалт, санхүүжилт зэрэг бодлогын баримт бичиг, холбогдох дүрэм журмуудаа боловсруулан баталж гаргасан. Эдгээр бодлогын баримт бичигтээ нийцүүлэн бүрэлдэхүүн компаниуд өөр өөрсдийн бодлогоо тодорхойлж байна. 2024 онд эдийн засаг, зах зээлийн хувьд таатай байсан учраас бизнес стратегийн төлөвлөгөө сайн хэрэгжиж, энэ оны эхний хагас жилийн байдлаар бид улсад 5.5 их наяд төгрөгийн орлого төвлөрүүлж, 1.4 их наяд төгрөгийн цэвэр ашигтай ажиллалаа. Энэ мэтчилэн том зорилтуудаа хэрэгжүүлж, тодорхой амжилт гаргаж буй ч бидэнд бас анхаарах, сайжруулах олон асуудал бий. Тиймээс эдгээр асуудлуудаа энэ удаагийн зөвлөгөөнөөрөө олон талаас нь ярилцаж, нэгдсэн ойлголтод хүрэх нь хамгийн чухал. Энэ утгаараа зөвлөгөөн үр дүнтэй болно гэдэгт итгэлтэй” хэмээн онцлов.
Тус зөвлөгөөнд “Эрдэнэт үйлдвэр” ТӨҮГ, Эрдэнэс Тавантолгой, Дарханы Төмөрлөгийн үйлдвэр, Багануур ХК, Шивээ-Овоо ХК, Эрдэнэс Оюу толгой зэрэг 17 компанийн 2025 оны эхний хагас жилийн үйл ажиллагааны тайланг хэлэлцэж, Эрдэнэс Монгол нэгдлийн зүгээс үнэлэлт дүгнэлтээ танилцуулна. Мөн Засгийн газраас тодорхой үүрэг чиглэлийг өгөх юм.
Нар минутад мандаж минутад жаргана.
Үс засуулвал: 
Суудал: 
