Монгол Улсын Ашигт малтмалын тухай хуулийн 42 дугаар зүйлд заасны дагуу Орхон аймаг, “Эрдэнэт үйлдвэр” ТӨҮГ-ын хооронд хамтран ажиллах гэрээ байгуулан, хэрэгжүүлдэг. Гурван жил тутамд шинэчлэн, баталгаажуулдаг тус гэрээний өмнөх буюу 2022-2024 онд хэрэгжүүлэх хугацаа дуусгавар болсонтой холбоотойгоор шинэ гэрээнд өнөөдөр Орхон аймгийн Засаг дарга бөгөөд Эрдэнэт хотын захирагч Б.Зоригтбаяр, “Эрдэнэт үйлдвэр” ТӨҮГ-ын Ерөнхий захирал Г.Ёндон нар гарын үсэг зурж, баталгаажууллаа. Хамтран ажиллах шинэ гэрээ 2025-2027 онд хэрэгжих юм.
Хамтын ажиллагааны гэрээг хэрэгжүүлэхдээ талууд жил бүр Байгаль орчин,экологи геологи, Эрүүл мэнд, Дэд бүтэц, нийгмийн асуудал, Ажлын байр нэмэгдүүлэх, бизнес эрхлэгчдийг дэмжих, Бүтээн байгуулалт зэрэг үндсэн таван чиглэлээр нарийвчилсан төлөвлөгөө гарган ажиллаж байна. 2025-2027 оны гэрээнд дээрх таван чиглэлээр нийт 17 ажил хийхээр тусгасан бөгөөд “Эрдэнэт үйлдвэр” ТӨҮГ-аас жил бүр гурван тэрбум төгрөгийн санхүүжилт гарган хэрэгжүүлнэ.
Энэ үеэр Орхон аймгийн Засаг дарга бөгөөд Эрдэнэт хотын захирагч Б.Зоригтбаяр, “Хамтын ажиллагааны өмнөх гэрээнд хийж хэрэгжүүлж байгаа ажлуудаа үргэлжлүүлэх, Эрдэнэт үйлдвэрээс орон нутагт үзүүлж буй дэмжлэг туслалцааг хэрхэн үр өгөөжтэй болгох зэрэг асуудлаар Ажлын хэсгүүд хэлэлцэж, санал шийдлээ 2025-2027 онд хэрэгжүүлэх гэрээндээ тусгаад, албан ёсоор үзэглэлээ. Хамгийн гол агуулга нь Эрдэнэт үйлдвэрийн дэмжлэгийг юунд зориулах тухай тодорхой тусгаж өгсөн нь онцлог юм. Тодруулж хэлбэл, боловсрол, эрүүл мэнд зэрэг нийгмийн салбар, мөн дэд бүтцийн бүтээн байгуулалтад чиглүүлнэ” гэж онцоллоо.
Нар минутад мандаж минутад жаргана.
Үс засуулвал: 
Суудал: 
