“Эрдэнэт үйлдвэр” ТӨҮГ, хүний нөөцийн менежментийн тогтолцооны ISO30400 олон улсын багц стандартыг сүүлийн дөрвөн жил хэрэгжүүлж, баталгаажуулан ажиллаж байна. Ингэхдээ стандартын хэрэгжилтийг хангах зорилгоор жил бүр дотоод аудитыг үйлдвэрийн хэмжээнд зохион байгуулж, хэвшлээ. Энэ жилийн хувьд Дотоод хяналт, мониторингийн хэлтсээс үйлдвэрийн хэмжээнд хэрэгжиж байгаа бүх стандартуудыг нэгтгэн, менежментийн нэгдсэн тогтолцооны нэгдсэн аудитыг явуулснаараа онцлог болсныг Удирдлагын дүн шинжилгээний хурлаар онцолж байна.
“Удирдлагын дүн шинжилгээний хурал”-аар дээрх нэгдсэн аудитын үйл ажиллагааны үр дүнг хэлэлцэж, цаашид авч хэрэгжүүлэх төлөвлөгөө, шийдвэрийг гаргалаа. Өөрөөр хэлбэл, хүний нөөцийн менежментийн тогтолцоонд буй давуу тал, сайжруулах боломж, анхаарах зүйл, үл тохирол байгаа эсэх зэрэг олон талын дүн шинжилгээг дотоод аудиторууд хэлэлцэж, санал санаачилга цаашдын төлөв зорилгыг дүгнэн ярилцсан байна. Энэ удаагийн дотоод аудитаар 40 давуу тал бүхий үзүүлэлт гарсан бол үл тохирлын 8 зүйл илэрчээ. Үүнийг өнгөрсөн гурван жилийн дүнтэй харьцуулахад жил тутамд хүний нөөцийн менежментийн тогтолцооны стандартын хэрэгжилтээс гарах үр өгөөж дээшилж байгаа нь харагдлаа гэж Хүний нөөц, захиргааны хэлтсийн дарга О.Отгонбаяр дүгнэв.
Стандартын үзүүлэлт сайжирна гэдэг нь ажилтнууддаа стандартын талаар ойлголт мэдээлэл өгөх, хэрэгжүүлэх явц шатанд бүтцийн нэгжийн удирдлагууд, уурхайчин хамт олны оролцоо, хамтын ажиллагаа өндөр байгааг илгэдэг. Ер нь стандартын аудит гэдэг нь хүний нөөцийн үйл ажиллагаанд буй сул талыг нь илрүүлж, улмаар сайжруулах үйл явц гэсэн үг. Энэ бол ямар нэг хяналт шалгалт гэхээс илүү үйл ажиллагаандаа тогтоосон хэмжүүрээ дээшлүүлж, сайжруулан хөгжүүлэх явдал гэдгийг Хүний нөөц, захиргааны хэлтсийн удирдлага мөн онцлов.
Нөгөө талаас, дотоод аудитын үйл ажиллагаа нь дотоод аудиторуудын мэдлэг чадварт чухал нөлөө үзүүлдэг. Энэ жил тэдний үйл ажиллагаанд Дотоод хяналт, мониторингийн хэлтэс болон үйлдвэрийн ажиллагсад, уурхайчид үнэлгээ өгчээ. Үнэлгээгээр дотоод аудиторуудын 85 хувь нь маш сайн дүн авсан байна. Тиймээс цаашид улам сайжруулан, дараагийн аудитад амжилттай хамрагдах зорилгыг Удирдлагын дүн шинжилгээний хурлын оролцогчид дэвшүүллээ.
Энэ удаагийн дотоод аудитад 25 аудитор, 3 ажиглагч оролцож, нэг аудитор 42.5 хүн цагийн аудитын ажил гүйцэтгэжээ. Хүний нөөцийн багц стандартаар бэлтгэгдсэн хамгийн олон аудитор Эрдэнэт үйлдвэрт ажилладаг байна. Мөн энэ онд олон улсын ISO30400 багц стандартын тэргүүлэх 3 аудитор болон дотоод сургагч багш нэмж бэлтгэн, эрх олгожээ.
Нар минутад мандаж минутад жаргана.
Үс засуулвал: 
Суудал: 
