“Олон талт байдал ба оролцоо” ISO 30415 стандартыг үндэсний хэмжээнд хэрэгжүүлэхээр баталгаажууллаа

Монгол Улсын хүний нөөцийн стандартын салбарт хувь нэмрээ оруулах зорилгоор “Эрдэнэт үйлдвэр” ТӨҮГ нь Олон Улсын хүний нөөцийн менежментийн тогтолцооны “Олон талт байдал ба оролцоо” ISO 30415 стандартыг үндэсний стандарт болгох ажлыг санаачлан хэрэгжүүлж, амжилттай баталгаажууллаа. Тус стандарт нь Стандарт хэмжилзүйн газрын даргын 2025 оны 06 дугаар сарын 24-ний өдрийн С/24 дугаартай “Үндэсний стандартыг шинээр батлах тухай” тушаалаар батлагджээ. Энэхүү стандартын гол зорилго нь байгууллагууд болон удирдлага, ажиллах хүч, хүлээн зөвшөөрөгдсөн төлөөлөгчид болон бусад оролцогч талуудад олон талт байдал ба оролцооны талаар зааварчилгаа өгөхөд оршино. 
Тус стандартыг төрийн болон төрийн бус, хувийн байгууллагын хэрэгцээнд нийцүүлэхээр уян хатан байдлаар боловсруулсан бөгөөд байгууллагын хэмжээ, төрөл, үйл ажиллагааны чиглэл, үйлдвэрлэл, салбар, хөгжлийн үе шат, гадаад орчны нөлөөлөл, тухайн улсын онцлог шаардлагаас үл хамааран ашиглах боломжтой юм. Энэхүү стандартыг үндэсний болгон баталгаажуулснаар олон талт байдал бүхий ажилчдын оролцоог хангах, сэтгэл ханамжийг нэмэгдүүлэх, шилдэг авьяас чадварыг татах, хадгалах, сайжруулсан инновац, бүтээлч байдлыг бий болгох, шийдвэр гаргах, ур чадварыг сайжруулах, ашигт ажиллагаа, гүйцэтгэлийг нэмэгдүүлэх, компанийн нэр хүнд, имиж сайжрах, тохиромжтой ажлын байр бий болгох ач холбогдолтой ажээ. 
Хүний нөөцийн менежмент “Олон талт байдал ба оролцоо” MNS ISO 30415:2025 стандартыг үндэсний стандартаар ажлын хэсгийн бүрэлдэхүүнд, Хүний нөөц, захиргааны хэлтсийн дарга, тэргүүлэх аудитор, Менежментийн ухааны доктор О.Отгонбаяраар ахлуулсан хүний нөөцийн мэргэжилтэн, аудиторуудын баг ажилласан байна.