Ус хангамжийн цехийн Цэвэрлэх байгууламжийн хэсэгт 6/0,4кВ-ийн 630кВА-ийн чадалтай КТП-603 дэд станцыг шинэчлэн сольсноор цахилгаан тоног төхөөрөмжийн найдвартай ажиллагаа бүрэн хангагдаж байна. Цахилгаан тоног төхөөрөмж дээр ажил гүйцэтгэх үеийн аюулгүй ажиллагаа, цахилгаан тоног төхөөрөмжийн найдвартай байдал болон ажлын бүтээмж дээшлэн, засвар үйлчилгээний хоорондын хугацааг уртасгаж, засвар үйлчилгээний зардал буурах нөхцөлийг бүрдүүлснээр дээрх шинэчлэл чухал ач холбогдолтой болжээ.
Цэвэрлэх байгууламжийн хэсгийн энэхүү дэд станц нь 1976 оноос хойш олон жил ашиглагдаж, хуучирч элэгдсэн тул хөрөнгө оруулалтын төлөвлөгөөний дагуу сүүлийн үеийн дэвшилтэт үзүүлэлт бүхий SCHNEIDER фирмийн RM-6 NE-D маркийн элегазан таслуур, TSTY electric Co., Ltd фирмийн S-630/6-0.4 маркийн трансформатор, ProСube маркийн нам хүчдэлийн хуваарилах байгууламжууд зэрэг тоног төхөөрөмжөөр шинэчлэн ашиглалтад орууллаа.
Энэхүү шинэчлэлийн ажлыг Ус хангамжийн цехийн Цэвэрлэх байгууламжийн хэсгийн цахилгаанчид, Засвар, угсралтын цех болон Цахилгаан цехийн мэргэжилтнүүдтэй хамтран шинээр суурилуулж, туршилт, хэмжилт тохируулгуудыг хийж гүйцэтгэсэн байна. Дэд станцыг шинэчлэх хүрээнд 6кВ-ын 310 метр урттай тэжээлийн хос кабель шугам сүлжээг шинэчилжээ.
Ингэснээр, Цэвэрлэх байгууламжийн хэсгийн Гүн цэвэрлэгээний үе шатыг цахилгаан эрчим хүчээр тасралтгүй найдвартай хангах, IEC стандартын шаардлагад нийцсэн, хийн хамгаалалттай, СКАДА буюу алсаас хянах, удирдах системд хялбар холбогдох боломжтой, хуваарилах самбар тус бүр дээр цахилгааны үндсэн үзүүлэлтүүдийг харуулах дэлгэцтэй, олон давхар үүрэгтэй хуваарилах самбарын найдвартай ажиллагаа хангагдаж ажил гүйцэтгэх үеийн хөдөлмөрийн аюулгүй байдлыг хангах цоож пайзны систем бүрэн хэрэгжих зэрэг олон давуу талтай ажиллах юм байна.
Нар минутад мандаж минутад жаргана.
Үс засуулвал: 
Суудал: 
