Тулгар төрийн 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн түүхт ойг тохиолдуулан улс орныхоо хөгжил дэвшил, бүтээн байгуулалтад үнэтэй хувь нэмэр оруулж, эрхэлсэн ажил, хариуцсан салбартаа олон жил үр бүтээлтэй ажилласан эрхмүүд төрийн дээд шагнал хүртлээ.
Монгол Улсын Ерөнхийлөгчийн зарлигаар Адьшаагийн Сэлэнгэбаатарт Монгол Улсын гавьяат багш цол хүртээж, "Цэргийн гавьяаны улаан тугийн одон"-гоор А.Цэндсүрэн, Б.Батбаяр нарыг шагналаа.
"Хөдөлмөрийн гавьяаны улаан тугийн одон"-гоор “Эрдэнэт үйлдвэр” ТӨҮГ-ын Аж ахуй, үйлчилгээний цехийн дарга Б.Туяа, "Эрдэнэт цогцолбор" дээд сургуулийн ахмад багш Р.Чинбат нарын 26 хүн шагнагдсан бол "Алтан гадас" одонгоор Барилга, байгууламжийн хяналт, төлөвлөлтийн хэлтсийн дарга Д.Батбаяр, Соёл, урлагийн цогцолборын Эрчим зүйч Р.Дагвадорж, Цахилгаанчин Х.Бямбадорж, Спорт цогцолборын Аж ахуйн эрхлэгч С.Нарангэрэл, "Эрдэнэт цогцолбор" дээд сургуулийн ахмад багш Л.Наранцэцэг, Эдийн засагч Ц.Байгаль, Аж ахуй, үйлчилгээний цехийн ахмад Х.Долзод, Д.Отгонсүрэн, С.Должин нарын 27 хүн шагнууллаа.
Мөн Геологи, хайгуулын экспедицийн нярав Б.Баасансүрэн, Аж ахуй, үйлчилгээний цехийн нярав Ж.Өлзийбүрэн тэргүүтэй 17 хүн "Хөдөлмөрийн хүндэт медаль"-аар энгэрээ мялааж, Засгийн газрын шагналаар 15 хүнийг шагнаж, хөдөлмөр, бүтээлийг нь үнэллээ.
Төрийн дээд шагнал гардуулах ёслолын ажиллагааг Улсын Их Хурлын гишүүн Д.Үүрийнтуяа нээж, үг хэлэхдээ, Эрдэнэт үйлдвэрийг түшиглэн боссон Эрдэнэт хот ирэх онд түүхт 50 жилийн ойтойгоо золгоно. Энэ түүхэн ойг угтаж, инженерүүдийн хот ямар байх ёстойг тодорхойлсон дорвитой ажлуудыг хэрэгжүүлэх хэрэгтэй. Эрдэнэт үйлдвэр зэсийн баяжмал хайлах, боловсруулах үйлдвэрээ нээх эхлэлийг тавих ёстой гэж үзэн, үүний төлөө зорин тэмүүлж, ажлаа төлөвлөн ажиллаж байгаагаа онцолсон юм.
Шагналыг УИХ-ын гишүүн Д.Үүрийнтуяа, Орхон аймгийн ИТХ-ын дарга Д.Мөнхбат, Засаг дарга Б.Зоригтбаяр нар гардуулж, баяр хүргэлээ.
Нар минутад мандаж минутад жаргана.
Үс засуулвал: 
Суудал: 
