Монгол Улсын Засгийн газар, Монголын Үндэсний Худалдаа Аж Үйлдвэрийн Танхим хамтран зохион байгуулдаг “ТОП-100” Аж Ахуйн Нэгжийг тодруулах үйл ажиллагаа 24 дэх жилдээ боллоо. Энэхүү үйл ажиллагааны үеэр 2024 оны “ТОП-100” Аж ахуйн нэгжийн шалгуур үзүүлэлтээр төрийн өмчит “ТОП-10” компанийг шалгаруулан өргөмжилсөн бөгөөд уг жагсаалтын дэд байрт “Эрдэнэт үйлдвэр” ТӨҮГ шалгаран, эрэмбэлэгдлээ.
Үйлдвэрлэл, эдийн засаг, татвар, борлуулалтын орлого, Дотоодын нийт бүтээгдэхүүнд эзлэх орлогын хувь, ажилтнуудын тоо зэрэг үзүүлэлтээр нь эрэмбэлэн тодруулдаг тус шалгаруулалтад “Эрдэнэт үйлдвэр” ТӨҮГ-ын 2024 оны үйлдвэрлэл, эдийн засгийн үйл ажиллагааны цар хүрээ, ололт амжилт, бүтээмж, үр ашиг нь өндрөөр үнэлэгдэж, жагсаалтын хоёрдугаарт бичигдэх шалгуурыг хангасан байна.
Өнгөрсөн 2024 онд “Эрдэнэт үйлдвэр” ТӨҮГ-ын хамт олон үйлдвэрлэлийн үндсэн үзүүлэлтийн төлөвлөгөөг 96.4-103.4% хувиар биелүүлж, 41 сая тонн хүдэр олборлож, 38 сая тонн хүдэр боловсруулсан. Түүнчлэн, 568.2 мянган тонн зэсийн баяжмал, 5.5 мянган тонн молибденын баяжмал тус тус үйлдвэрлэн, экспортод гаргасан байна.
Эдийн засгийн төлөвлөгөөт үзүүлэлтийн тухайд, нийт 3,973.9 тэрбум төгрөгийн орлоготой ажиллаж, төлөвлөгөөг 91.7 тэрбум төгрөгөөр буюу 102.4 хувиар биелүүлсэн бол
цэвэр ашгийн төлөвлөгөөг 6.8 тэрбум төгрөгөөр буюу 101.2 хувиар тус тус давуулан биелүүлж ажиллалаа. Улс, орон нутгийн төсөвт нийт 1 их наяд 549 тэрбум төгрөг төвлөрүүлж, төлөвлөгөөг 87.7 хувиар биелүүлж ажилласан үзүүлэлтээрээ 2024 оны “ТОП-10” төрийн өмчит компанийн удаах байрт шалгарсан байна.
Нар минутад мандаж минутад жаргана.
Үс засуулвал: 
Суудал: 
