“Эрдэнэт үйлдвэр” ТӨҮГ-ын Эмэгтэйчүүдийн холбооны “Шилдэг төсөл”-өөр шалгарсан “Эрдэнэт медикал” эмнэлгийн “Эрүүл жин – Эрүүл бие” хөтөлбөр амжилттай хэрэгжиж, оролцогчдод бодит өөрчлөлт, үнэ цэнтэй дурсамжийг үлдээжээ.
Хоёр сарын турш үргэлжилсэн энэхүү төслийн зорилго нь халдварт бус өвчлөлөөс урьдчилан сэргийлэх, эмэгтэйчүүдийн эрүүл мэнд, сэтгэл зүйн дархлааг дэмжих, зөв амьдралын хэв маягийг төлөвшүүлэхэд чиглэсэн юм. Төслийн хүрээнд 23-61 насны, эрүүлжих хүсэлтэй 16 эмэгтэй ажилтан хамрагдаж, нийт 71 кг жин, 84.8 см бүсэлхийн тойргоос хасаж, амьдралын хэвшлээ эргэн харах үнэт мэдлэг, урам зоригийг олсон байна.
Хөтөлбөрийн үеэр оролцогчид дотоод шүүрлийн болон уламжлалт эмчийн үзлэг, зөвлөгөө, стресс тайлах арга, бие махбод, сэтгэцийн тэнцвэрт байдлыг хангах сургалт, таргалалт, чихрийн шижин, биеийн жингийн индекс тооцох арга зүй, шим тэжээлийн үнэлгээ, илчлэг тооцох арга, зөв хооллолт, хий, бадган өвчний үед тохирох хүнсний талаар мэдлэг олжээ. Түүнээс гадна гоо сайхан, нүүр будалт, арьс арчилгаа, дотуур хувцасны зөв сонголт, “Style & Basic wardrobe” тодорхойлох, “Belly dance”, ууланд алхалт зэрэг бие сэтгэлд эерэг нөлөө үзүүлэх хөтөлбөрүүдэд хамрагдсан байна.
Эмэгтэйчүүдийн гоо сайхан, эрүүл мэнд, өөртөө итгэх итгэлийг дэмжсэн энэхүү цогц төсөл “Гэрэлтье” уриан дор өрнөж, оролцогчид дотоод гэрэл сэргэж, гадаад төрх шинэчлэгдсэн гэж сэтгэгдлээ хуваалцлаа.
Есөн эрдэнээр нэрлэгдсэн оролцогчид таван баг болж өрсөлдсөнөөс “Шүр-Эрдэнэ” багийнхан тэргүүлж, шилдгээр шалгарлаа.
Эмэгтэйчүүд төслийн хугацаанд жин хаяж, эрүүл амьдралын дадал эзэмшээд зогсохгүй, хамтдаа суралцаж, өөрийгөө хөгжүүлэн, шинэ дурсамж бүтээж, итгэл, урам зориг авсан байна.
Нар минутад мандаж минутад жаргана.
Үс засуулвал: 
Суудал: 
