Эрдэнэт үйлдвэрийн Эмэгтэйчүүдийн холбооны Тэргүүлэгчид болон анхан шатны зөвлөлийн дарга нар зуны зөвлөлдөх уулзалтаа “Энэрэл” төвийн “Хөдөлмөр” зусланд өнгөрсөн мягмар гарагт зохион байгууллаа.
Уулзалтад холбооны Тэргүүн Х.Оюунтунгалаг, Тэргүүлэгч гишүүд болон үйлдвэрийн газрын 40 гаруй уурхайчин бүсгүй оролцож, 2025 он гарсаар хийсэн ажлынхаа тайланг танилцуулан, цаашдын зорилт, үйл ажиллагааны төлөвлөгөөгөө хэлэлцэв.
Эрдэнэт үйлдвэрт Эмэгтэйчүүдийн холбоо байгуулагдсаны 25 жилийн түүхэн ой ирэх жил тохиох бөгөөд ойн баяраа амжилт бүтээлээр угтахын төлөө урам зориг, эрч хүчтэй ажиллахаа оролцогчид уулзалтын үеэр онцолсон. Энэ хүрээнд Эмэгтэйчүүдийн холбооны үйл ажиллагааг эрчимжүүлэх, анхан шатны зөвлөлүүдийн уялдаа холбоог сайжруулах, уурхайчин эмэгтэйчүүдээ алдаршуулах, тэдний санал санаачилгыг дэмжин хэрэгжүүлэх зэрэг бодит ажлууд тусгагдсан байна.
Хөтөлбөрийн хүрээнд оролцогчид “Color party” зохион байгуулж, өнгөөр жигдэрсэн баг бүрдүүлэн хамт олонч уур амьсгал дунд хөгжилтэй, дурсамжтай нэг өдрийг өнгөрүүллээ.
Энэхүү зөвлөлдөх уулзалт нь уурхайчин бүсгүйчүүдийн эв нэгдэл, манлайллыг бэхжүүлэх, ирэх жилийн ойн үйл ажиллагааг үр дүнтэй зохион байгуулах эхлэл болов.
Нар минутад мандаж минутад жаргана.
Үс засуулвал: 
Суудал: 
