“Эрдэнэс Монгол” нэгдлийн дунд хугацааны стратегийн хэрэгжилтийг хангах, харьяа компаниудын хүний нөөцийн чадавхыг бэхжүүлэх, засаглал, менежментын нэгдмэл хандлагыг төлөвшүүлэх зорилгоор 5-р сарын 27-28-ны өдрүүдэд зохион байгуулсан “Бүтээн байгуулалт-Удирдлагын хөгжлийн хөтөлбөр” сургалтад Эрдэнэт үйлдвэрийн Хүний нөөц, захиргааны хэлтсийн дарга О.Отгонбаяр, манлайлагч залуусынхаа хамт оролцсон байна.
Энэхүү сургалтад “Эрдэнэс Монгол” нэгдлийн бүрэлдэхүүн 16 компанийн дунд шатны 54 менежер хамрагдаж, “Байгууллагын ирээдүйг хэрхэн дижитал эрин рүү удирдах вэ”, “Байгууллагын соёл ухамсар”, “Шинэчлэл ба уламжлал”, “Бүтцийн ухаалаг шийдэл”, “Стратегийн уялдаа”, “Хиймэл оюунд суурилсан бизнесийн шинэ боломж”, “Хүний нөөцийн стратегги” зэрэг сэдвээр илтгэл сонсож, “Эрдэнэс Монгол” нэгдлийн өнгөрсөн хоёр жилд хэрэгжүүлсэн реформ, 2024-2028 оны дунд хугацааны стратеги, түүний хэрэгжилтийн явцын талаар мэдээлэл авлаа.
Түүнчлэн УИХ-ын гишүүн Ч.Анар “Дахин загварчлал ба бүтээмжийн уялдаа”, “Бат Солюшин Партнерс” компанийн үүсгэн байгуулагч, коммуникаци стратегийн зөвлөх Г.Баярхүү “Коммуникаци ба хамтын бүтэээмж” сэдвийн хүрээнд нийгмийн хариуцлага буюу хамтын үнэ цэнийг хэрхэн бий болгох талаар оролцогчдод мэдээлэл хуваалцав. Энэхүү сургалт нь хоёр өдрийн 20 академик цагийн сургалт бөгөөд стратегийн шийдвэр гаргах үйл явцыг нэг чиглэл, нэг үнэт зүйл дор нэгтгэх, компанийн засаглал, хариуцлагын тогтолцоог сайжруулах, бүтээлч манлайллыг төлөвшүүлэхэд чиглэсэн юм.
Нар минутад мандаж минутад жаргана.
Үс засуулвал: 
Суудал: 
