Эрдэнэт үйлдвэрийн Чанарын стандартын Олон Улсын лабораторийн төв баригдаж байна. Энэхүү төвийг 8500 метр квадрат талбайд хоёр блок барилга барьж байгаа юм. Одоогоор барилгын гадна ажил 80 хувьтай явж байгаа бөгөөд дотор засал чимэглэлийн ажил 50 хувийн гүйцэтгэлтэй байна. Эрдэнэт үйлдвэрийн бүтцийн нэгжийн лабораториуд нь гаднын байгууллагаас бараа материалын дээж авч тоног төхөөрөмжүүдийг олон улсын стандартад нийцэх эсэхийг тодорхойлж ажилладаг. Иймээс олон улсын стандартад нийцсэн барилга байгууламжид чанартай тоног төхөөрөмжөөр дүн шинжилгээ хийх зайлшгүй шаардлага гарчээ. Цаашид Эрдэнэт үйлдвэрийн долоон бүтцийн нэгжийн 12 лаборатори нэгдсэн цогц үйлчилгээтэй болж, шинээр барьж буй Чанарын стандартын Олон Улсын лабораторийн төвд байрлан үйл ажиллагаагаа явуулах аж. “Чанарын стандартын Олон Улсын лабораторийн төвийн барилгыг энэ оны 12 сарын 30-нд хүлээлгэж өгөхөөр төлөвлөсөн. Гэвч бид ирэх есөн сард хугацаанаас нь өмнө дуусгахаар шамдан ажиллаж байна. Хамгийн гол нь барилгын ажлыг аюулгүй, чанартай, олон улсын стандартад нийцэхүйц байхад нь анхаарч ажиллана гэж Чанарын стандартын Олон Улсын лабораторийн төвийн барилгын төслийн удирдагч И.Батчулуун ярилаа.
Нар минутад мандаж минутад жаргана.
Үс засуулвал: 
Суудал: 
