Тайвань улсын Тайпэй хотноо болсон Дэлхийн мастеруудын тэмцээнээс Эрдэнэт үйлдвэрийн “Хангарди” спорт клубын жудо бөхийн тамирчин Олон Улсын хэмжээний мастер Ч.Энхболд -100 кг-ын жинд алтан медаль хүртэж аваргаллаа. Харин багаараа хүрэл медалийн эзэд болжээ. .
Тус наадамд 107 орны 2500 гаруй тамирчин спортын 35 төрөлд хурд, хүч, авхаалж самбаагаа сорин өрсөлдсөн бөгөөд Монгол Улсаас 43 тамирчин оролцсон байна.
Жудо бөхийн тамирчин Чулуунбатын Энхболд “Хангарди” спорт клубт харьяалагдан барилдаж эхэлснээс хойш Улсын таван удаагийн аварга төдийгүй Азийн аваргаас гурван мөнгөн медаль хүртэж байжээ. Энэ удаа “Дэлхийн мастерууд -2025” тэмцээнд аваргалж, амжилтын түүхээ дахин нэг шинэ хуудсаар нэмлээ.
Тэрээр найман хүүтэй айлын ууган хүүхэд бөгөөд түүний аав, ээж хөвгүүдээ тив, дэлхийд амжилт гаргасан тамирчин болгохыг мөрөөдөж, багаас нь спортоор хичээллүүлсэн байна. Ийнхүү ууган хүү нь аав, ээжийнхээ мөрөөдлийг биелүүлж, зуны эхэн сарын шинийн нэгэнд тэд дүүрэн баяртай уулзлаа.
Нар минутад мандаж минутад жаргана.
Үс засуулвал: 
Суудал: 
