“Эрдэнэт үйлдвэр” ТӨҮГ-ын Ахмадын нэгдсэн зөвлөлөөс жил бүр уламжлал болгон зохион байгуулдаг ахмадын урлагийн их наадам энэ жил “Эрдэнэт хуурын магнай” нэрийн дор зохион байгуулагдаж, шалгаруулалтын эхний өдрөө амжилттай үргэлжилж байна.
Тус наадам нь түүхэн өв соёлыг хамгаалах, хадгалах, сэргээн баяжуулах, олон нийтэд түгээн дэлгэрүүлэхээс гадна ахмадын соёлын боловсрол, оролцоог дэмжих зорилготой. Энэ жилийн наадам төрлөө илүү өргөжүүлэн дуу, хөгжим, бүжиг, язгуур урлаг, уран уншлага, гар урлал зэрэг есөн төрлөөр зохион байгуулагдаж байгаагаараа онцлог юм.
Наадмын нээлтэд “Эрдэнэт үйлдвэр” ТӨҮГ-ын Ахмадын нэгдсэн зөвлөлийн дарга, Аж үйлдвэрийн гавьяат ажилтан Д.Байгал үг хэлэхдээ, Эрдэнэт үйлдвэр түүх, соёл, урлаг, спорт, эрүүл мэндийн боловсролыг хослуулан гурван талт үйл ажиллагааг тууштай хэрэгжүүлсний үр дүнд Монгол Улсын хөгжилд манлайлах үүрэг гүйцэтгэж буйг онцоллоо. Тэрээр мөн “Соёл, урлагийг өнөөг хүртэл түүчээлж ирсэн ахмадууд маань одоо ч авьяасаа хөгжүүлж, идэвхтэй оролцож байгаа нь урт наслах нэгэн үндэс юм” хэмээгээд оролцогчдод амжилт хүслээ.
Энэ удаагийн урлагийн их наадамд Эрдэнэт үйлдвэрийн бүтцийн 14 нэгжийн ахмад уран сайханчдаас бүрдсэн 80 гаруй оролцогч хүч сорьж байна.
Шалгаруулалт хөгжимийн төрлөөр эхэлсэн бөгөөд Орон сууцны хэсгийн ахмад уран сайханч Н.Нямсүрэн, Соёл, урлагийн цогцолборын О.Нансалмаа, Чанарын хяналтын хэлтсийн Н.Алтанцэцэг нар орос ардын дууны эвлүүлэг аязаар их наадмын салхийг хагалав.
Нар минутад мандаж минутад жаргана.
Үс засуулвал: 
Суудал: 
