“Эрдэнэт үйлдвэр” ТӨҮГ-ын эдийн засагч, санхүүч, нягтлан бодогч, дотоод хяналтын ажилтнууд эдийн засгийн агуулгаар байгууллагыг оновчтой удирдах мэдлэг, ур чадвараа ахиулах сургалтад өнөөдрөөс хамрагдаж эхэллээ.
Сургалт нь “Тогтвортой хөгжлийн нөхцөл дэх менежментийн үүрэг”, “Техник эдийн засгийн үндэслэлд шаардлагатай өгөгдлийн бааз бүрдүүлэх, боловсруулах” зэрэг чухал сэдвийг хамарч буй бөгөөд Техникийн ухааны доктор, Монгол Улсын зөвлөх инженер Б.Чинзориг хичээлийг удирдан явуулж байна.
Энэхүү сургалт, хөгжлийн хөтөлбөрийн нээлтийн үеэр Захиргаа, удирдлага, санхүүгийн газрын дарга Д.Баярбат “Эдийн засаг, санхүү, бүртгэл, дотоод хяналт болон хөрөнгө оруулалт, худалдан авах ажиллагааны чиг үүрэг бүхий ажилтнуудын мэдлэг чадварыг хөгжүүлснээр үйлдвэрийн санхүү-эдийн засгийн үр ашгийг нэмэгдүүлж, стратегийн зорилтуудыг хангах нөхцөл бүрдэнэ” хэмээн онцлов.
Захиргаа, удирдлага, санхүүгийн газар өнгөрсөн онд “Хөгжлийн цогц хөтөлбөр” амжилттай хэрэгжүүлж, онол-практик хосолсон сургалтуудаар дамжуулан өртөг зардлын шинжилгээ, санхүүгийн тайлангийн уялдаа холбоо, өгөгдлийг Power BI програм ашиглан боловсруулах аргачлал зэрэг чухал мэдлэг, арга барилд суралцсан нь ач холбогдолтой байсныг судалгаа харуулсан.
Үүний үр дүнд эдийн засагч, санхүүч, нягтлан бодогч, хяналтын ажилтнуудын мэргэжлийн ур чадварыг гүнзгийрүүлэн хөгжүүлэх эрэлт, сонирхол нэмэгдсэн тул уг хөтөлбөрийг энэ онд үргэлжлүүлэн хэрэгжүүлэхээр шийдвэрлэжээ.
Нар минутад мандаж минутад жаргана.
Үс засуулвал: 
Суудал: 
