Эрдэнэт үйлдвэр “Олон улсын дотоод аудитын үйл ажиллагааг сурталчлан таниулах тавдугаар сар” аяны хүрээнд олон улсын жишгээр дотоод хяналт, эрсдэлийн удирдлагын чиглэлээр чадавх сайжруулах ажлуудыг үе шаттай зохион байгуулж байна. Энэ хүрээнд Дотоод хяналт, мониторингийн хэлтэс, Монгол Улсын Их сургуулийн Бизнесийн сургуультай хамтран бүтцийн нэгжүүдийн эрсдэл хариуцагч мэргэжилтнүүдэд зориулсан хоёр дахь удаагийн сургалтыг өнөөдөр амжилттай зохион байгууллаа. Сургалтад цех, нэгжүүдийн 130 гаруй мэргэжилтэн хамрагдав.
Сургалтын үеэр оролцогчид эрсдэлийг үнэлэх олон улсын аргачлалуудтай танилцаж, Эрдэнэт үйлдвэрийн онцлогт нийцсэн үнэлгээний арга аргачлал сонгох, эрсдэлийн матриц тодорхойлох, магадлал, үр дагаврыг оновчтой тооцох зэрэгт суралцсан байна.
“Эрсдэл хариуцагч мэргэжилтнүүд нэгдсэн ойлголт, нэг суурь мэдлэгтэй болсноор үнэлгээ илүү бодитой, найдвартай гарах чухал ач холбогдолтой. Ингэснээр үйлдвэр эрсдэлийн удирдлагын чиглэлээр хийх дараагийн алхмуудаа илүү тодорхой төлөвлөх боломжтой болно” гэж МУИС-ийн Бизнесийн сургуулийн Санхүүгийн тэнхимийн доктор, дэд профессор Ч.Анхбаяр онцоллоо.
Тэрээр, мөн 2024 онд боловсруулсан “Эрсдэлийн удирдлагын журам”-д үнэлгээний арга зүйн тодорхой зохицуулалтууд тусгагдсан ч зарим хэсэгт нэмэлт сайжруулалт хийх хэрэгцээ бий. Тухайлбал, эрсдэлийн үнэлгээний нарийвчлал, хэрэгжилтийн уялдаа холбоог сайжруулах шаардлагатайг дурдав.
Эрдэнэт үйлдвэр ийнхүү эрсдэлийн удирдлагыг системтэй хөгжүүлж, байгууллагын засаглал, шийдвэр гаргалтын чанарыг улам боловсронгуй болгоход анхаарал хандуулж байна.
Нар минутад мандаж минутад жаргана.
Үс засуулвал: 
Суудал: 
