Эрдэнэт хотын иргэд, Эрдэнэт үйлдвэрийн уурхайчид жил бүр Монгол, Оросын найрамдлын хүрээнд тэмдэглэлт ойн өдрүүдийг ёслол төгөлдөр хүндэтгэн өнгөрүүлдэг уламжлалтай.
Хүн төрөлхтөнд гамшиг зовлон авчирсан Гитлерийн фашизмыг дарж, энх цагийн эхлэлийг авчирсан Аугаа их Эх орны дайны ялалтын түүхэн өдрийг Оросын холбооны улсын хувьд төдийгүй, Дэлхийн хоёрдугаар дайнд тус улсын холбоотноор оролцсон орнууд жил бүр тэмдэглэн, ёсолж өнгөрүүдэг.
Аугаа их Эх орны дайны ялалтын 80 жилийн ой энэ оны тавдугаар сарын есөнд тохионо. Түүхэн өдрийг тохиолдуулан Орхон аймгийн ЗДТГ, ИТХ, ОХУ-аас Дархан хотод суугаа Ерөнхий консул Р.А.Зайнутдинов болон “Эрдэнэт үйлдвэр” ТӨҮГ-ын Ерөнхий захирал Г.Ёндон тэргүүтэй албаны хүмүүс, ОХУ-ын иргэдийн төлөөлөл өнөөдөр үйлдвэрийн газрын Ерөнхий захиргааны 2-р байрны урд байрлах Дөрвөн баатрын хөшөөнд цэцэг өргөлөө.
ЗХУ-ын уран бүтээлчид энэ хөшөөг 1977 онд Зөвлөлтийн "Медьмолибденстрой" барилгын удирдах газрын конторын барилгыг хүлээн авах ёслолын үеэр босгожээ.
БНМАУ-ын ардын Хатанбаатар Магсаржав, БНМАУ-ын маршал Х.Чойбалсан, ЗХУ-ын домогт жанжин К.К.Роковссовский, П.Е.Щетинкин нарт зориулан хийжээ. Хөшөөний суурийн өндөр 140см, суурийн өргөн 100см, хажуу өргөн 90см, нийт урт-4м10см бөгөөд суурь хэсгийг боржин чулуугаар хийж, хөшөөний цээж хэсгийг цагаанаар шохойдсон.
"Жанжнуудын хөшөө" нь "Эрдэнэт үйлдвэр" ТӨҮГ-ын Ерөнхий захиргааны 2-р байрны өмнө байрладаг юм.
Нар минутад мандаж минутад жаргана.
Үс засуулвал: 
Суудал: 
