“Сэлэнгэ” амралт, аялал жуулчлалын цогцолбор нь үйлчлүүлэгчид, зочдоо Орхон аймаг, Эрдэнэт хот болон “Эрдэнэт үйлдвэр” ТӨҮГ-ын үйлдвэрлэлийн үйл ажиллагаатай танилцах, “Сэлэнгэ” амралтын баазад амрах аяллыг зохион байгуулж байгаа бөгөөд энэ сарын 01, 02-ны өдрүүдэд болсон ээлжит аялалд “Трансвест Монголиа” ХХК-ийн хамрагч байгууллагууд болох Алт, Зэс, Нүүрсний салбарын төлөөллүүд буюу “Монголын Алт” ХХК, “Оюу Толгой” ХХК, “Шивээ Овоо” ХК, “Багануур” ХК, “Болд Төмөр Ерөө Гол” ХХК-ийн нийт 53 хүний бүрэлдэхүүнтэй зочид хамрагдлаа.
Тус аяллын хүрээнд зочдодоо Соёл, урлагийн цогцолборын Дижитал музей үзүүлж, “Эрдэнэт” дуу, бүжгийн чуулгын уран бүтээлчдийн хэсэгчилсэн тоглолт сонирхуулан, “Эрдэнэт цогцолбор” дээд сургуультай танилцуулсан.
Хөтөлбөрт аялалд оролцож буй харилцагч байгууллагуудын төлөөллүүдийг энэ үеэр “Эрдэнэт үйлдвэр “ТӨҮГ-ын Ерөнхий инженер Т.Батмөнх хүлээн авч уулзлаа. Улмаар, зочид үйлдвэрийн дүүрэгт нэвтэрч, Эрдэнэт үйлдвэрийн үйлдвэрлэлийн үйл ажиллагаатай танилцахын зэрэгцээ Ил уурхайн тэсэлгээг бодитоор харж, Авто тээврийн цехийн Технологийн тээврийн автомашины засварын хэсэг, Баяжуулах үйлдвэрийн Нунтаглан баяжуулах хэсэг, Шүүн хатаах хэсгийн үйл ажиллагааг сонирхох боломж олдсон юм.
Хөтөлбөрт аялалд оролцогчид “Сэлэнгэ” амралтын баазад хонон амарч, байгалийн сайханд нэг өдрийг өнгөрүүлснээр тус цогцолборын хамт олон санаачлан хэрэгжүүлж буй ээлжит аяллаа ийнхүү амжилттай зохион байгуулж, зочид сэтгэл дүүрэн буцлаа.
Нар минутад мандаж минутад жаргана.
Үс засуулвал: 
Суудал: 
