Өнөөдөр 2025 оны 4-р сарын 28-ны өдөр. Одоогоос 20 жилийн өмнө Баяжуулах үйлдвэр дээр бүтээмж дээшлүүлэх "Эрдэнэт" хөтөлбөрийн нээлтийг энэ өдөр албан ёсоор хийж байсан түүхтэй. Улмаар “Баяжуулах үйлдвэрийн бүтээмжийн хэмжилт, шинжилгээ” төслийг ШУТИС-ийн КтМС болон тус цехийн ажилтнуудын хамтарсан баг хэрэгжүүлсэн. Тус цех өөрийн тэргүүн туршлагаа Эрдэнэт үйлдвэрийн бусад цех, нэгжүүд болон гадны олон байгууллага, аж ахуйн нэгжүүдэд түгээж, нийгмийн хариуцлагаа биелүүлэн ажиллаж байна. 2013 онд Азийн бүтээмжийн байгууллагын шинжээч, Канадын эрдэмтэн Ричард Кларк Баяжуулах үйлдвэрийн бүтээмжийн хөдөлгөөнийг “Монгол Улсад загвар болохуйц” хэмээн дүгнэсэн нь тус хамт олны нөр их хөдөлмөр, амжилтыг үнэлсэн явдал юм. 2005 оноос Баяжуулах үйлдвэрийн нийт бүтээмж чанарын дугуйлангууд 1407 төсөл хэрэгжүүлж, 3859 сайжруулалтын ажил хийсэн байна. Мөн тус цехийн ажилтнууд 2010 оноос өнөөг хүртэл нийт 19504 санал санаачилга гарган, үүний 11630 саналыг хэрэгжүүлжээ. Түүнчлэн "Эрчим хүч болон уул уурхайн салбарт мэдлэгийн менежментийн арга хэрэгслийг нэвтрүүлэх замаар бүтээмжийг дээшлүүлэх нь” сэдэвт Азийн загвар байгууллага бий болгох төсөл Баяжуулах үйлдвэр дээр хэрэгжсэн юм.
Нар минутад мандаж минутад жаргана.
Үс засуулвал: 
Суудал: 
