ЮНЕСКО-гийн Ерөнхий ассемблейн XXII чуулганы хуралдаанаар 1983 оноос эхлэн жил бүрийн 4-р сарын 18-ны өдрийг "Хөшөө дурсгал, дурсгалт газрын олон улсын өдөр" болгон тэмдэглэх шийдвэрийг гаргасан байдаг. Энэхүү тэмдэглэлт өдрөөр улс, орнууд өөрсдийн үндэсний өв соёлоо хайрлан хамгаалах, түгээн дэлгэрүүлэх, хойч үедээ өвлүүлэн үлдээх зорилгоор олон төрлийн үйл ажиллагаа зохион байгуулж ирсэн аж.
Уг тэмдэглэлт өдрийг тохиолдуулан Соёл, Урлагийн цогцолбороос Эрдэнэт үйлдвэрийн 47 жилийн түүхэн хугацаанд бүтээгдсэн музейн үзвэрээр “Түүхэн хөшөө дурсгал” сэдэвт үзэсгэлэн гаргалаа. Түүнчлэн өнгөрсөн онд дэлхийн 167 улсын нийт 1199 байгалийн болон соёлын өв Дэлхийн өвийн жагсаалтад бүртгэгджээ. Үүний 933 нь соёлын, 227 нь байгалийн, 39 нь хосолмол өв юм. Монгол Улсаас нийт 6 өв бүртгэгдсэн байна.
Байгалийн өвөөр Увс нуурын ай сав газар (2003), Дагуурын ландшафт (2017) ,Соёлын өвөөр Орхоны хөндийн соёлын дурсгалт газар (2004), Монгол Алтайн нурууны хадны зургийн цогцолбор (2011), Бурхан Халдун уул ба түүний тахилгат газар нутаг (2015), Буган хөшөө бүхий хүрлийн үеийн цогцолборыг тус тус бүртгэжээ.
Нар минутад мандаж минутад жаргана.
Үс засуулвал: 
Суудал: 
