“Эрдэнэт үйлдвэр” ТӨҮГ-ын Хүний нөөцийн менежментийн ISO:30400 олон улсын багц стандартыг хэрэгжүүлэх Ажлын хэсгийн гишүүд өнөөдөр “Оюу” танхимд уулзаж, 2025 онд хийх тасралтгүй сайжруулалтын төлөвлөгөөг хэрхэн үр дүнтэй хэрэгжүүлэх талаар хэлэлцлээ. Уулзалтад оролцогчид хэрэгжилтийн явцад тулгарч буй хүндрэл, сорилтуудаа хуваалцаж, тэдгээрийг хэрхэн даван туулах, туршлага солилцох боломжууд, давуу талуудаа бүтцийн нэгжүүдэд хэрхэн түгээх талаар чөлөөтэй санал бодлоо солилцов.
Хүний нөөц, захиргааны хэлтсийн дарга О.Отгонбаяр уулзалтыг нээж хэлсэн үгэндээ, Эрдэнэт үйлдвэр ISO 30400 багц стандартыг дөрвөн жилийн өмнөөс нэвтрүүлж эхэлсэн бөгөөд энэ жил баталгаажуулалтын хоёр дахь аудитад орох хариуцлагатай цаг үе тохиож байгааг онцлон тэмдэглэв. Тэрээр тус стандартын хэрэгжилт нь НҮБ-ын тогтвортой хөгжлийн 17 зорилтын 9-ийг хангах чадамжтай гэдгийг дурдаад, хүний нөөцийн менежментийг олон улсын жишигт хүргэхэд ISO 30400 стандарт бодитой түлхэц болж байгааг цохон тэмдэглэлээ.
Уулзалтад Сайжруулалтын багийн гишүүд болон аудиторууд оролцож, дотоод аудитын чанар, хэрэгжилтийн нөлөөг онцолсон юм. Тэд байгууллагын төлөв байдал, оролцогч талуудын оролцоо, манлайлал, төлөвлөлт, дэмжлэг, мэдлэгийн менежмент, тасралтгүй сайжруулалт зэрэг чиглэлээр хэрэгжүүлж буй ажлуудаа илүү нарийн тоон болон хүчин зүйлийн шинжилгээнд үндэслэн үнэлжээ.
Энэ жил Хүний нөөцийн менежментийн ISO 30400 стандартын хүрээнд нийт 70 сайжруулалтын ажил хийхээр төлөвлөсөн бөгөөд баримт бичиг боловсруулалтын 25, нэгтгэх, хяналт тавих 45, Дотоод хяналт, мониторингийн хэлтэстэй хамтран хэрэгжүүлэх найман ажил багтсан байна. Эдгээр ажлыг стандартын бүлэг тус бүрээр байгуулагдсан Сайжруулалтын багууд гүйцэтгэж, олон улсын “Афнор” группын зөвлөмжийн дагуу ажиллах юм.
Цаашид “Стандарттай Монгол” хөтөлбөр болон “Алсын хараа–2050” хөгжлийн бодлоготой нийцсэн, хүний нөөцийн жишиг менежменттэй үйлдвэр болох зорилтыг хангахад энэхүү уулзалт чухал алхам болж байна.
Нар минутад мандаж минутад жаргана.
Үс засуулвал: 
Суудал: 
